بحركه تدل على رومانسيتها ، وهى تلقى بطرف طرحتها فى زوم قريب لوجهها الرقيق وزمن قد يتجاوز الخمس دقائق لتخرج منى من سيارة التاكسي
السائق: متيلا يا ست إنتي هتاخدى اليوم كله تنزلى من التاكسى
منى : احم ...هى دى محطة مصر؟
سائق التاكسى متجهم : ايوة يا أبله ..الأجرة خمشاشر جنيه خلينا نمشى
منى : ليه يا اخويا ..احم ثانيه اطلع الفلوس
واحده معديه : خلي بالك يا بنتشى ..السرقه هنا كتير ..ربنا يسترك
السائق: متيلا يا ابله ..عايزين نمشى من الحته الزحمه دى
منى ونظرة رومانسيه دامعه فى عينها : حاضر يا استاذ اسطى ...بس اصلى مش لاقيه البوك
السائق ( ينفخ ) : يا فتاح يا عليم ...يا ابله دورى واستهدى بالله هى مش ناقصه
منى بنظرة حائره : اعمل ايه بس ...اتلخبطتش يا ربى
أحد المارة : لا حول ولا قوة الا بالله ...هما مش هيبطلوا بقى ..إتقوا الله ..البسوا الحجاب
منى ونظرة أمل ونجده : لقيتوا الحمد لله ..اتفضل يا اسطــ
ومع نهاية كلماتها ..وكلمح البصر ...ضاع البوك
منى : سرقوووووووونىىىىى .......حررررررررررررامىىىىىىى
*****************************
أحمد : يلا يا سناء ...انا مش عارف لزمتها ايه السفريه دى وانتى تعبانه كده
سناء وهى تجذب صقف مقعد السيارة : يا احمد اسكت والنبى ..عايزة اكون جمب امى وانا بولد ..اسكت بقى احسن المغص اشتغل
احمد ( يتصبب عرقا ) : مش قولتلك متكليش محشى ؟؟وطفاستك يعنى لازم تاكلى الحله كلها
سناء ونسيان المغص مع 111 عجيبه : هو انت عشان الست امك اللى عملت المحشى ..آه يانى ..هتزلنى بالصوباعيين التلاته اللى اكلتهم
السائق يتدخل : هما كل الستات كده يا بيه ...وأل ايه عايزة تولد عند امها ...وأدفع انت ..إسألنى انا مجرب
سناء وعينيها تشتعل شرار: وأنت ايش اخششك ....عجبك كده يا استاذ احمد
احمد وبدأت عليه علامات الغضب والخوف فى نفس الوقت : متسكت ياسطى ...( وبصوت ضعيف ) هاودنى مش هتخلص
السائق فى تراجع : على ايه يا بيه ...الطيب احسن
سناء مقاطعه : آآآآه الحقنى يا احمد...
احمد: ايه يا سناء مش وقته ...ده انتى لسه فى الخامس
سناء : خامس ايه يا راجل ...انا فى السابع ...الحقينى يامه
السائق ( محشورا بخوف ) : إلحق يا استاذ ...احسن تولد فى التاكسى
احمد : متخليك فى حالك بقى ...انا ناقصك انت التانى
سناء : آآآآآآآآآه ..........الحقيييييييييينى ياااااااااااااامه
*******************************
جلست منى امام دورات المياة فى المحطه ....تمسك بورقة كبيرة مكتوب عليها : ســرقونى ياماما ...محفظتــى البيـج الجلـد ...ساعدونـى..إهئ إهئ
أحدهم : معلش يا بنتى ...خدى الجنيه ده
منى : إهئ إهئ..ميغسي
إحداهن : يا عينى ...شوفتى يا نونه ..ودي يا ترى هتعرف تروّح
نونه: مش عارفه بقى ...واحنا مالنا ..شوفتى عادل عمل ايه امبارح معايا !!!
منى والدمع يتقطر من عينيها : حبيته سنين طوال ..إهئ إهئ ...واليه القلب مال ..عااااااااا..وحلمت يكون معايا ...لو مهما العمر طال
تؤ ياربى مش دى الغنوة ...هتعملى ايه دلوأت يا مون مون ..المشكلة الكبرى ان الريحه هنا ياي ..مش عارفه اقعد بس عمو الشيخ اللى قالى اقعد هنا
الشيخ ( فى سره ) : البت دى لو فضلت معايا كده نشحت هنكسب فلوس بالهبل
منى : عمو ...احنا كملنا حق التذكرة؟
الشحات : لسه يا بنتى الصبر ...ربنا يخلى المحسنين
منى فى سرها : لو كان احمد هنا مكنش سابنى فى الموكف ده ابدا ..إهئ إهئ ..أينعم هو سايبنى من خمس سنين وقالى متصلش بيه تانى بس انا عارفه انه شهم وحونين
شاب متأمر : متيجى يا موزة اشربك حاجه اسفره ..ونلعب بينج بونج سوا فى المول
منى : ميكش دحوة بيا ..انا مش هيود عليك ..يا سيم
نفس الشاب : حلاوتك يألدغ
منى : انا مش لادغه دى اللبانه ...يا استاذ
هوه هواه الشاب : يا عينى على ادبك ياابيض
منى بقرف : خلاص الناس بقت سفيقه اوى كده ...اوف
ست اتحشرت فى الحوار : شوف البت ...متتلمى يا بت وبطلى معاكسه فى ولاد الناس ..انا عارفاكو يا بتوع تربيه نوعيه يا رقصات
منى : يا تنت انا مش فى تربيه نوعيه ...انا محفظتى البيج الجلد اتسرقت
الست الحشريه : لا بقى تربيه نوعيه ...مانا ابنى كان عايز يتجوز واحده منهم بس انا فقساكم
منى : يا تنت ..حرام بقى عاوزة اروح ..إهئ إهئ ..وكمان انا مالى ومال ابن حضيتك
الشاب الرخم : ها يا موزة اخلصى ورايا غيرك
الست الحشريه : جتك ضاربه هو انت مش شايف غيرها ..البعيد اتعمى
منى : شنطتى ...هدومى ...عمو الشيخ سرقنى ...وسعى يا وليه من قدامى انتى والدهول ده ...انا جايه الفيلم ده اتسرق بس
الشاب الغبى : انتى رايحه فين
منى : يا شيخ اتلهى ...
*****************************
سناء : احمد ...عايزة ادخل الحمام
احمد : سناء ...أبوس ايدك ..عايزين نلحق القطر ...السواق مستحملناش وانتى لسه داخله الحمام اساسا ...وبطلى اكل بسكوت
سناء: اه يانى يامه ...سيبتينى للراجل ده ليه ...لو موت يبقى بذنبك ...مش مسمحاك
احمد : مدّى يا سناء بدل ودينى ..أموت نفسى واقول انك قتلتينى
سناء : وتقول ازاى وانت ميت فهمنى كده ...آه المغص
احمد : ام التمثيل
سناء : يعنى خلاص حفظتنى ...ماشى ..لما اروح لامى
احمد : هسيبك عند امك ...أقولك ، غورى وانتيــ...
سناء : خصيمك النبى يابو نسمه متقولها ..صلى على الحبيب واهدى
احمد : اللهم صلى عليك يا نبى ...مدّى طيب
سناء : حاضر يابو الغالى
احمد يشاور وقد تعذر عليه الشوف : اهى المحطه اهى...الحمد لله
الأحد، 20 يوليو 2008
الاشتراك في:
تعليقات الرسالة (Atom)
هناك 32 تعليقًا:
أنا أول كومنننننننتتتتتتتتتتت
هيييييييييييييييييييييييه
سيبونى اقرا بأه
جامدااااااااااااااااااااااااااااااه
انا قاعد مش قادر من كتر الضحك
والله العظيم جامده جداً
واحلى حد فيها منى
اللى جايه تتسرق
تحياتى
هو فى ايه؟ فعلا الطيور على أشكالها تقع.....علشان كده دايما بيقولوا فى الأفلام الرومانسيه أحمد ومنى. ماهم عينه واحده تقترب من درجة العته. بس هم فى القصه عندك محبوش بعد ليه؟ ولا ده فى الجزء التانى من الفيلم؟ انا بس مستنى اللقاء الجامد العتيه اللى حيحصل بين احمد ومنى.....ومازلنا ننتظر.....تحياتى وشكرا
جامدة جداااااااااااااااااااا
يخرب بيت مخك
تحفه:))))
عيلة يا مفترية سابقاً
أزيك
أول مرة أجى هنا
و مستبشرة خير
المشاهد دى تحفة
عارفة ليه ؟
عشان و أنا بجرى بعينى بين السطور تخيلتها كأنها بتتجسد قصادى و بسمع صوت العربيات و دوشة الشارع و أدق التفاصيل الصغيرة المصاحبة ...
مبقاش ناقص غير الموسيقى التصويرية و دى متخيلتهاش بصراحة
أنا شدنى الحوارات الساخنة الزاعقة المتلاحقة بين الشخصيات
الله ينور عليكى
إنتى هايلة
و أنا جاية هنا تانى و عاشر كمان
بجد البوست جااااااامد
والله حلو أوي السيناريو ده:)
وحلوة أوي المشاهد دي والمزيج بينهم
مني الهطلة اللي اخدت علي دماغها وتسرقت
وسناء الطفسة اللي برده ما سكتتش الا ما جوزها هددها يطلقها
:)
تحياتي
هو ايه التشريد اللى حصل لمنى ده ليه يا مفتريه كده
وبعدين ايه سناء اللى من المدبح دى يا نهار لو دى الرومانسيه دلوقتى هههههههههههه
هههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
بجد انا فطست علي روحي من الضحك
بالذات المعلمة سناء دي والغلبان احمد
يالهوي مش ممكن
منتظرين الجزء التاني
هههههههههههههههههههههه
يا تححححححفة
ايه الشخصيات الجامدة دي
ماتطوليش علينا بس ياريت ياريت ومستنية الجزء التاني
فتك بعافية يا ابلتشي
إيه ده
فين الجزء التانى
(وش احمر من الغيظ)
انت هتكليه علينا ولا إيه
لا لا لا
انا قاعد مستنى اعرف منى عملت إيه
يلا بسرعه كده بلاش لكاعه
:)
حلوة
بس كملى لما يقابلوا بعض ايه اللى هايحصل
يكن يديها تمن التذكرة وتروح
oss
يعنى واخد الجايزة الكوبرى
براية قلم رصاص
هييييييييييييييه
oss
يا شيخ ضحكتك بجد؟
والله انا بجرب فيكم
بس يارب تفضل عجباك يا سمسم
سلامى
Mohamed Dawod
دى تريقه دى؟
حساها بردو تريقه يا محمد
مممممممم
مغسى على كل حال
سلامى
blue-wave
دايما كده رافع من معنوياتى يا دكتور :(
تسلملى
سلامى
فاتيما
الحمد لله يا ستو انا
والله انا سعيدة بزيارتك
وبكلامك اللى قولتيه واللى يارب ميكون مجامله
انا فعلا محتاجه دافعه عشان اكمل
سلامى ليكى وليوسف
Eman
الله ينور عليكى
سيناريو
اهو انا عايزة اوصل للنقطه دى
ميرسى كتير يا مونى على كلامك
سلامى
appy
بيبتى
ولسسسسسسسسه
ده انتى هتشوفى النجوم المغربيه
:D
ٍسلامى يا قطه
سفروتة
بجد عجبتك؟
والنبى قولى بجد؟
يعنى اكمل؟
طيب هكمل على ضمانتكم
سلامى
اسلوبك ساخر بجد والمشاهد مش عارف بس جميلة بجد
مفترسة مفترسة
اولا لو المدونة فيها حرامية اكتبي لوحة تحذير
اما السيناريو تحفة واللبانة عاملة جو لغة ممتاز
والله عجبني طريقتك انت بتكتبي الكلام دا امتي
اهلا يا اخت مفترية سابقا
اعتقد انك فكراني
اولا احب اقولك ان اسلوبك
جميل جدا
ثانيا انا اسفة عشان بقالي فترة طويلة مزرتكيش
اما الثالث بقى و الاهم
انتي ليكي عندي واجب
و اتمنى تيجي تاخدي
اتمنى اشوفك
و مستنية بقية القصة
الموضوع تحفة بجد
ولازم تستمرى ممنوع التوقف
اول مره اجى هنا واكيد مش الاخيرة
بسم الله ما شاء الله
جمييييل اوييييييييييييييييي
قريته من اول كلمه لاخر كلمه
مع اني قلت اقراه بعد الصلاه
بس مقدرتش امسك نفسي
بصراحه دمك زي العثل
وسردك للاحداث فوق الرائع
مستنيين التكمله
ليكوريكا
كراكيب
حاضر من عويناتى
اكيد هكمل
اكيد يعنى
اكيد اكيد
سلامى ليكى
Oss
سمسم
اتقل شوية
لازم نلم زباين
افهم اللعبه حلو
سلامى
سبهللة
مظنش سبهلله ان ده هيحصل
بس يمكن
سلامى
.:.-=- ELGaZaLy-=-.:.
منورنى
وتشكر جدا على كلامك
سلامى
afew good men
اولا
منورنى
ثانيا
ممممممممم
نسيت ثانيا
المهم ان انا بكتب الكلام ده بليل
ايه يفرق؟
شكرا على كلامك الحلو
واللبانه طول عمرها بتعمل شغل
سلامى
عاشقة الحب
اولا وعليكم السلام
بجد انا مبسوطه بأنك فكرانى
وطبعا انا مش نسياكى
وحاضر هاخد الواجب واحله بأذن الله
سلامى ليكى
صفا
ميرسى ليكى يا قمر
بجد منورانى
سلامى ليكى
ليكوريكا
دايما كاسفنى بردودك الحلوة دى :$
منورنى وعلى عينى هكمل حاضر
وبجد شكرا اوى على وصفك ليا بأعقل عيله :D
سلامى
إرسال تعليق