اولا
كل سنة وانتم طيبين
ثانيا
انا مش عارفه اقول ايه ، احنا فى شهر فضيل ،انا جايه اخنق على الناس فى وقت زى ده
كنت ناويه اكتب واحكى عن ذكريات شهر رمضان
لكن
مش هقدر اقول الا انى بمر بظروف مش هقدر معاها اكتب شئ
غصب عنى
لانى بحب مدونتى دى جدا وبحب اصدقائى هنا
وبحب اللى بيجاملونى لما بكتب كلام اهبل ، وبحب اللى بيشجعونى ، وبحب مفتريه وعيله
بس سامحونى
سامحونى قوى قوى
ظروفى اصعب منى
هاجى كل شوية ابص هنا
بس مش هقدر اكتب
الاثنين، 1 سبتمبر 2008
الاشتراك في:
تعليقات الرسالة (Atom)
هناك 12 تعليقًا:
كل سنه وانتى طيبه يا عيله من غير مفتريه وانتى فاهمه ليه
اية يا بنتى هوة كل شوية حد من صحابنا يروح واقع مننا؟؟
اية اللى جرى.. بعدين كل مشكلة ان شاء اللة ليها حل.
يا رب تكونى دايما بالف خير وسعادة.
شيماء
كل سنه وانتى طيبه
كل سنه وانتى الى الله اقرب
واتمنى اقرا ليكى قريب
لان كلامك مش زى ماوصفتيه
والله بوستاتك رائعه دائما انتظر جديدك
ودمتى بود
ربنا معاكى يا شيماء
و الظروف تمر على خير
و ترجعى بخفة دم اكتر من الاول
مش عارف اقولك ايه
انتي جيتي واسيتيني الموضوع اللي فات
وانا دلوقتي جاي اواسيكي
رمضان فرصتنا كلنا نقرب ونقرب اوي من ربنا
انا عن نفسي ابتديت اتعايش مع الوضع وخلاص هعيش عشان مقداميش حل تاني :(
كل واحد فينا شايف ان مشكلته ملهاش حل
جايز تكون كده فعلا عن كل البشر
بس كل حاجه عند ربنا ليها الف حل
قولي يارب
وادعي لنفسك وادعيلنا
ويارب كلنا نرجع نفرح من قلبنا تاني
كل رمضان وانتي بخير باذن الله
ليكوريكا
شيماء
عيب كده
ده احنا فى رمضان
ازاى تستصعبى اى موقف
قربى من ربنا اكتر وادعيه
استغلى الفرصه
ومش تغيبى علينا
ده احنا مهماً كان اهل
يارب يفك عنك ويحفظك
أبنتي الغالية شيماءالجيزي
كل عام و أنتي و الأسرة الكريمة بخير
و حتي لا أنسي أذكر نفسي و أذكرك إن ألتزام الأذكار و الأستغفار يزيحان عن النفس أي غم أو حزن أو كرب
كما و أننا في شهر كريم و أكيد كل منا يكثر من أعماله الصالحة في هذا الشهر
فأذكر نفسي و أذكرك أن قرأة القرآن الكريم تجلي الروح و تطهرها من الهموم
أبنتي الغالية صغيرة أنتي علي الأحزان و الهموم فكوني دوما مع الله اللهم أرزقني و شيماء الجيزي حبك و حب من يحبك و حب نبيك صلي الله عليه و سلم و حب كل عمل يقربنا إلي حبك يارب العالمين آمين
كل سنة وانتي طيبة
وان شاء الله الظروف الصعبة دي تعدي علي خير
وترجعي تكتبي من جديد
هنستناكي
سلام
:)
ربنا ييسر لك كل امورك يا جميل
كل حاجه بتعدى ادعى ربنا بس انتى
يعنى كده انا شكلى هزعل
ده انا كنت جايبه ليكى تاج
دى اول مره اهديكى
عموما ياريت تقبليه
وجاوبيه فى اى وقت انتى عايزاه
بس بالله عليكى ما تحطيش فى دماغك حاجه غير ربنا
كل سنه وانتى طيبه وبخير دايما
عااااااااااااااا
يعني أنا بآلي فترة غايبة علشان النت كان فاصل
أرجع الأيكي مأجزة (واخدة أجازة)
ما عالينا
كل سنة وانتي طيب يا عيلة
و رمضان كرييييييييييييم
عجبنى جدا الاسم بتاع البلوج جدا وبجد كل سنه وانتى طيبه ومتشيليش الهم احنا فى شهر كريم ؟
شيماء ابنتي الحبيبة
كل عام وانت بكل خير يارب
ربنا يصلح حالك ويفرج همك اللهم امين
إرسال تعليق