منى: البكا والنوح عليك يالي
سرقت الفرح والهنا
عشـــــــت حيــاتي
أنت اللى فاضلي
منى وبعد أن ازداد عليها الهم والبكى والنوح ..
منى لنفسها :تعاليلى يامه الحقينى ..يعنى كان لازم القطر يعنى..هو انا ليه حسه انى النحس آه يانى يامه
*على الحال ده فضلت منى تنوح ..تتلفت شمال ويمين هداها منظر زوجين عصفورين ماسكين فى ايدين بعض الاتنين سوا سوا
منى لنفسها: آه يا احمد ..مش لو كنا اتجوزنا كان زمننا حلويين كده.. انا يا احمد انا تسيبنى وتجوز بسنت بنت البواب اكمن جالها عقد عمل فى ابو ظبى ...آه يانى يامه
منى لنفسها فى حالة حصره :ايه ده يا اخواتى جوز عصافير دول ولا جوز يمام ...شوفتى يابنتى ماسك ايدها ازاى كأنه مكلبش قلبها ..خايف تروح منه
آه ياليت الشباب يعود يوماً...كنت كلبشته
على اول الطريق كان احمد يسير مع سناء ..
أحمد : سناء ابوس ايدك مش هنا الفضايح دى عايزين نركب القطر خلى السفريه دى تعدى على خير
سناء تحاول تخليص يدها من احمد: طيب سيب ايدى مش هصوت قدام الناس
احمد يستعين بذراعه حول رقبتها: انتى كمان عاوزة تصوتى !!هو انا ماسك ايدك عشان هتصوتى...يا وليه مش قولتى عاوزة تقلعى الجزمه
سناء تحاول الجلوس على الرصيف :تعبت قعدنى هولد يا ناس الحقونى
احمد يرفعها من رقبتها ويثبت رأسها برأسه وهو يجز على سنه :بطلى فضايح يا وليه هتلمى الناس علينا خلاص قربنا
اما منى فكانت فى دنيا تانيه...
منى وهى تجلس فى حاله من البلاهه والانبهار: آه مش قادره لا ..لسه فى ناس بتحب بجد دخ عايز يشيلها ..شايفه يا بت يا منى بيقرب منها ازاى يا كزوفى يانى
الله الله ..ده بياخدها بالحضن يالهوى على الحب يالهوى ..امتى يا مون مون تحسى بكده
شخص ما : الموبيل يا ابله
منى : انا مش بتاعت موبيلات يا عمو
عمو ده : امال حطالنا يافطه ليه
منى : عشان محفظتى ضاعت وأنـ..
العمو بردو : الله يسهلك
منى : الله العصفورين راحو فين؟!!!
***************************
فى هذا الوقت كان احمد وسناء يـ....
احمد : انتى يا وليه هتمشى بالتى هى احسن ولا افجر نفسى واجبلك مصيبه
سناء : ليه يا اخويا شايفنى الامريكان ...متفجر بس بعيد عنى
احمد وقد احمر غيظا : اللهم طولك يا روح ...يا وليه انتى بتعملى فيا كده ليه امال لو مكنتش واخدك عن حب ومرمطه اربع سنين قبل الجواز
سناء وهى بتجر ناعم : مانا يا احمد بولد وانت تاعبنى
احمد : مش انتى إلي قولتى اروح لامى ...كمان يا بنت الناس الكومل انتى مش فى الخامس
سناء : لأ السابع ..وبطل تجرنى زى الجاموسه كده وامسك ايه بحنيه شويه الله
احمد بقرف ولوى بوز : طب امشى يا سناء ربنا يهديكى ، شايفه البت اللى قاعده بتشحت دى هقعدك جمبها
سناء : وهدخلنى الحمام ؟
احمد : اه هدخلك
اما منى ...
منى : الله العاصفير جايه عليا ...شايفه يا مونى ماسك ايدها بحنيه ازاى ...آآه يا حلاوة الحب ...!!
يتبع ..
***************
ملاحيظ
كل سنة وانتم طيبين وبخير وسعادة ، والى الله اقرب واتقى
اللهم بلغنا رمضان اللهم آمين
رمضان كريم يا اخواتى ..قريبا هكتب موضوع عن رمضان كل واحد يجهز ذكرياته معاه
هناك 29 تعليقًا:
ياخواااتى ايه الحب اللى بيتدلدق من كلامهم دا منتهى الرومانسيه بصراحه
خصوصا خصوا حته مش هتدخلنى الحمام يااحمد دى
كان هيغمى عليا هههههههههههه
كل سنه وانتى طيبه ياقمر
الحب على الموضه الجديده بتاعت الميكروباز
انما ايه يا حجه الابداعات دى بجد
على الهامش فكرى بقى من اللى انتى فيه ولا اجيلك
جميله اوى
حب جديد ورومانسيه جديده لانج
احسن من زنقه المواصلات وبهدله المتروهات
ودمك زى السكر
انا جاى اعيد عليكى واقولك كل سنه وانتى طيبه
تحياتى
أكيد أكيد أحمد هيطلع هو أحمد
إيه العبط اللى أنا بقوله ده؟؟
لأ انتى مش فاهمانى
يعنى أحمد هيطلع هو أحمد
يعنى أحمد بتاع منى هو أحمد التانى بتاع سناء
أيون كده صحصحى معايا
المهم البوست حلو وملينا رومانسيه وحنيه
وكفايه كده علشان شاكلى هاعيط منك
ومش تتطولى عالجزء التالت زى المره دى يا إلا هاجيب أحمد ونفجر البلوج
وكل سنه وانت طيبه
ورمضان كريم علينا جميعاً
متابعاكى و مستنيه الجزء التالت
و رمضااان كرييييم
شيمو
كل سنه وانتى طيبه
وياربيحقق كل امالك واحلامك
ماشاءالله عليكى ايه يابنتى الروعه دى كلها
انا بحسدك على رشاقه قلمك
تقبلى تحياتى
ومفتقد مرورك بمدونتى
تحياتى لكى
اللي عمله احمد ده عين العقل
كل سنه وانتى طيبه يا قمر
ايه يابنتى الرومانسية دىىىىىىىىىىى
بس بجد خيالك واسع اوى وبيطلع حاجات جميلة
ياريت باقى القصة لو سمحتى بسرعة
علشان انا اندمجت فيها يمكن علشان ذكرياتى مع القطر
ههههههههههههههههههههههههههه
عايزة اعرف ايه اللى هيحصل
سلام يا قمر ومتتأخريش علينا
جيت بس عشان اقولك كل سنة وانتي طيبة ورمضان كريم
ومستني زيارتك
تحياتي
كل سنة وانتى طيبة
بس بجد انتى بتكتبى حلو اوى واتمنى تشاركينى
مستنية الجزء الجديد بئه يا ريت بسرعة
اسلوبك فى الكتابة تحفة بجد
تقبلى مرورى
سمر الشافعى
لالا انتى كده احرجتينى قوى
وخصوصا كلمة بيدلدق
هههههههههههههههه
يارب تكون عجبتك
وانتى طيبه يا قمر
appy
ميكروباز
الله
تصدقى انا ممكن اشيل القطر خالص واخليه الحب فى الميكورباز
على الهامش
اقولك
تعالى احسن
كل سنة وانتى طيبه يا بوبه
سلامون
يخرب عقلك
وعصافير وحركات
طلعت الولية بتولد!!!
هههههههههههههههههههههههه
صحيح قليل البخت..
momken
ممكن والله تبقى حاجه تانيه جديدة
وانت طيب وبخير يارب
رمضان كريم
Oss
ايه يا عم سمسم
احمد ده بتاع سناء مش بتاع منى
وبعدين بقى متلخبطش الناس
احمد بتاع منى غير بتاع سناء صدقنى
كل سنة وانت طيب يا عم
وبطل تصوم قبل رمضان
سلامى
ذربونة هانم
الله اكرم يا ذربينو
طارق الغنام
وانت طيب وبخير يا فندم
وشكرا جدا على كلامك بس ياريت بلاش حسد
احسن انا بخاف
سلامى ليك
ورمضان كريم
شملولي بن سحلولي
مش كده بردو ؟
رمضان كريم
Sometimes
ثانكس يا قمر على كلامك
هى بس ساعات بتشطح معايا
سلامى ليكى وكل سنة وانتى طيبه
ورمضان كريم
Abd-Alrahman
وانت طيب وبخير
رمضان كريم
سلامى
عروسة ننوسة
وانتى طيبه وبخير وسعادة
مبروك على الكتاب
وانا بفكر جديا زيك والله
سلامون
ورمضان كريم
صفا
ربنا يخليكى يارب
حاضر من عنيا
رمضان كريم عليكى
سلامى
صباح الصباح
يا مزاجو
امال ايه ده لسه فى حبشتكنات تانيه ياما
سلامووووووووون يا بتاع الكرويه
ورمضان كريم
مدونة رائعة بجد
يعطيكي العافية
وكل عام وانتي بخير
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
كل سنة وانتى والأسرة الكريمة طيبين وبخير
ورمضان كريم
بعودة الايام
اللهم بلغنا رمضان وانت راضٍ عنا
تقديرى ومحبتى
أحمد
يعنى هى منى دى ضريره ولا عبيطه؟ ماهيش عارفه تفرق بين مسكة الأيد اللى بالعافيه ومسكة الأيد بتاعة الحبيبه؟ ومش عارفه تفرق بين حضن الأحباب وحضن كتم النفس؟ يالا الطيور على اشكالها تقع. بس ده ميمتعش انى ضحكت على التلاته لما وشى قرب يشقق....كل سنه وانتى طيبه يا باشا وشكرا على سؤالك وتشقيرك الدائمين....خالص تحياتى وشكرا
يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين
كل سنة و انت الى الله اقرب
إرسال تعليق