إشمعنى أنا ؟!!

عن أول مرة تحرش .. مشاعر لا تعرفونها

2011-06-20T04:14:00.000-07:00

مش عارفه أكتب لُغه عربيه ، ومش عارفه أعمل حاجه انا متعودة أعملها عادي جداً ، مش لاقيه طرف الخيط اللى ابدأ منه كلامي ، لكن أنا هتكلم وخلاص ، أنا مش جاية أشرح معني التحرش ولا جاية أتكلم عن ليه بيتم التحرش بالمرأة ولا هقول كلام أكاديمي معقد محدش بيفكر فيه وقت حدوث فعل التحرش ، أنا مش هتكلم ، أنا يمكن هبوح بشوية مشاعر ॥

*أول مرة تعرضت للتحرش كان في سن عشر سنين ، متستغربوش يمكن مقومات جسمي كبنت في سن عشر سنين بتبين إن عمري ستاشر سنه ودة لأنى كنت تخينه نوعاً ما فكان تخني بيبين إني أكبر من سني ، ووقتها معلوماتي عن جسمي كانت إني بنت وإن أمي دايما بتحرّج عليا حد يلمسني لأنه ممنوع هو أنا مكنتش عارفه ممنوع ليه لكن كان ممنوع من ممنوعات الخرطوم والكرباج ، ركبت الميكروباص في رحلة عودتي من المدرسة ، لابسه ينيفورم المدرسة وكان وقتها لونه كُحلي زي مدارس الثانوي ، قعدت وقعد جنبي ، راجل شكلة كبير " عمو "

* لما حسيت بإيده علي فخدي ، كنت ببحلق في ضهر الكرسي اللى قدامى كأني بقول مش انا اللى بيحصلها كده ، أنا بيتهيألي ، كنت ببصله كأنى بقوله " عمو هو أنا عملت إيه عشان تخلي ماما تضربني !! كان بيبصلي بإستمتاع ، وأنا كنت بتكوم جوة نفسي بخوف

*مكنش معايا فلوس تسمح إني أنزل من الميكروباص عشان اركب حاجه تانيه ، ومكنش عندي الجراءة ولا القوة إني أتصرف أي تصرف دفاعي ، أنا كان الخوف ماليني لدرجة إني كنت ببكي جوة نفسي من غير دموع ، كنت برتعش وهو كان مستمتع بخوفي ॥

*أول منزلت مشيت ناحية البيت وانا بكتم في صوت دموعي ، وأنا واقفه ع الباب مسحت دموعي بسرعه ، ودخلت البيت مبتسمة كأن مفيش حاجه ، دخلت الحمام بكيت ببشاعة لسه فاكراها وخرجت بطلب من ربنا ماما متاخدش بالها من شكلي ، وإلا مصيري هيكون شئ مستحملوش

* مع أول قصة تحرش ليا إكتشفت إن تربيتنا من الأساس بتخوف البنت من جسمها ، وبتعلمها إن ممنوع عليها قبل غيرها ، لكن لما غيرها يحاول يقتنص اللى مش من حقه ॥ مش من حقها لا تدافع ولا تتكلم ولا تبوح ولا تصرخ ولا تشتكي ولا تعمل رد فعل ولا اي حاجه ، معندهاش حق اصلا

* مع أول قصة تحرش ليا إتبني عندي عقدة من كلمة " راجل " ، وعلي أثرها طلعت أجري واصرخ لما المقرئ حاول يطبطب عليا وهو بيقرأ قرآن في عزاء جدي

* مع أول قصة تحرش ليا عرفت أني كرهت جسمي فترة طويلللللة ويمكن لسه بكرهه لأنه بيجلب عليا الشر ، لاني مقدرش أحميه

* التحرش حاجه بنخاف نتكلم عنها زي الإغتصاب ، انا فعلا بخاف اقول ان تم التحرش بيا ، لأنى براقب نظرة الناس للمتحرش بيها بتكون مقسومه لحاجتين ॥ ياما صعبان عليها وحاسه بشفقه ناحيتها ॥ ياما بتتهمها !

* مقدرش أنكر ان في ستات كتير بتستخدم كلمة تحرش في غير موضعها عشان تحقق أغراض خاصة بيها ، ومقدرش أنكر ان في رجال بيتعرضوا للتحرش ، لكن بيفضل إحساس البنت بالعجز والنقص ملازمها ، وإحساس الرجل بالفخر

أنا مقدرش أقول إني اتغيرت كتير عشان كده بكتب الكلام دة ، ومتأكده إن الحل صعب ، لأن لازم ندخل كل بيت ونقنع كل امرأة ॥ إنه مش ذنبها ، نقنع كل واحدة تغير نظرتها للبنت اللى بتدافع عن نفسها ضد التحرش ومتقولش عليها قليلة الأدب والتربيه ، نقنع كل ام تفهم بنتها إن جسمها مش من الممنوعات وتحثها تدافع عن نفسها وتتكلم وتبوح ومتكبتش نفسها ، نقنع كل راجل إننا مش سبايا ولا محللين لمجرد - إنه شايف - إنها مش محتشمه من وجهة نظرة او مادام مهتمه بنفسها تبقي تستحق فعل التحرش ، نقنع كل راجل إن مش من حقه يجرح اي واحدة مهما كانت بالكلام لأن دة مش من حقه وتجني عليها ، لو نقدر نعمل كده - ودة أضعف الإيمان - يمكن في يوم نعيش اسوياء بدون أمراض وعقد نفسيه بيسببها ناس مبنقابلهمش إلا مرة واحدة بس ॥ وبيأذونا

من وحي رجل عابث

2010-12-19T06:43:00.000-08:00

أحببت ان اقرأ..ك

لا أعلم من انت ولستُ أري فيك فارساً للأحلام ، او حتي صديق بلغتهم

فقط قرأت ما بداخلك وانت تبعثره يميناً ويسارا

ها انا اعاود الدخول لمملكتك ، اقرأ ثم اكتبك هنا ثم اقرأ ثم اتخيل لهجتك

ثم تبتسم لي وتتناول كوب قهوتك في صمت وتكتب ..

أغمز لك مداعبه وانت تلقي ب " إفيهك " ، لا تزاولني انا

هم من يحتاجون للمزاولة ، هم من يحاولون فهمك

أقر ان قراءتك تفتح لي مجال لأستشعرك بكل حالاتك ، أراك الآن تصفر بغزلٍ في حلاقة ذقنك المريح للأعصاب

في حين أنك منتشي بكلاسيكيتك ، تبتسم بإعزاز لدعوة حفل الأوبرا ، وملابسك الرسمية الملقاه علي طرف سرير

أكتب اكثر واشعل سيجارة ، أنفث في وجهي لست ممن يرفضن دخانها لمجرد إظهار دلال ما ..

فقط دعني اقرأ ..ك

امــرأة نــاطقة

2010-12-18T02:13:00.000-08:00

اليوم هو احد ايام فتوري ، الثامن عشر من شهر ديسمبر ، الجـو ثلّج يخلق بداخلي دوامات عنيفه ، اطرافي ممصوصة الدفء وعقلي " كالعادة " مشتعل بكم من الأفكار ، لا اعرف لما اتجهت رأسياً للمدونه كي ألقي بها عبثٍ عشوائي ، انا مستمرة في العبث منذ سحقٍ بعيد ، كان عبث ذو هدف ، اصبح الآن منعدم الجاذبيه ، اسبح بداخله في حركات بهلوانيه ، اضحك وابكي معاً ،أسُبَهم وألعن نفسي ، أُحبُني وأكـرَهنـي

-حسـناً .. دعنا نتدبر امر عشوائتنا ، انها ليست فوضي وان كانت لفوضي الحواس يدُ كبيرة في وجودنا بهذا الفضاء ، وان كنا في الفضاء نعبث فنحن خلفٌ لفوضي لا يعرفها الأخريين ..

كلمات تقولها بعقديه شديدة " انا لا افهمـك " ، كم مرة سمعتها علي طول طريقي؟ كم مرة كنتُ انا الغير مفهومه حتي صار حلي الوحيد انى شخص مجنون ..!!

هل يعيب في انى ألبس معطف شتوي والجو حار؟ هل ثورتي يجب ان تأتي بميعاد حتي يأخذ من هم امامي القرار بالصد ؟!!!

-حسناً .. الجنون ليس عيب في وقتنا الحاضر ، نحن أصلاً نعيش في عالمِ مجنون ، هل جنونك في الرفض والقبول الوقتي؟ ام ان التناقض في شخصك يخلق لديهم " لخبطه " ، انتِ لستِ مسئوله عنهم ، كلٌ منا مسئول عن جنونه الخاص ..

أقتربتُ من النهايه ، انا سريعة النهاية ، ابحث عنها بشغف ، لا ألتفت للبدايات فكلها مستهلكه قديمه متعفنه ، اما النهايه فهي واقعه في جوف بئر ، وانا

لستُ هاويه للهاويه ....

2010-10-05T06:23:00.000-07:00

فكرت كتير قبل مكتب تانى في المدونه ، حسيت انى مفتقدة ارجع اخبط الكلام اللى بحبه هنا ، رغم انى بعدت فترة كبيرة تكاد تقارب للسنه ، إلا اني حابة انى ارجع لوجودي في التدوين مرة تانية ، التدوين قبل كدة ادانى فعلاً حياة ، نمي عندي حاجات كتير منها ان يكون ليا علاقات اجتماعية ، انى احسن من موهبتي الكتابيه ، انى اكون وسط ناس فاهمين انا بكتب هنا ليه

حياتى مرت بمراحل كتير جداً ، منها السئ المبالغ فيه ومنها الجيد ، ويمكن وجودي وسط المدونين وفي حالة تدوين كانت من احسن مراحل حياتى ، منكرش انها فتحت ليا مجال العمل اللى كنت بتمناه ، عمقت وجودي كأديبه وكاتبه وسط الوسط الثقافي ، لكن كمان كان في لحظات أليمة بالنسبة ليا انى اتصدم في ناس وافقد ناس واعرف ان ناس عرفتني لمجرد المصلحة

عموما انا هرجع ادون ، بس يارب فعلا اقدر ارجع اتفاعل تانى مع الناس

2009-08-30T16:51:00.000-07:00

رسالة مريضة نفسياً لطبيب نفسي 3

بعد التحية

أحيانا ..، يضعك القدر في عدة مفارقات سخيفة ، تشعرك بأنك فأر ملفوف حول كره الخيط والقط مستمتع بالنظر لك تارة والتسلي بشقلبتك تارة أخري ، أنت تحاول التملص من بين سخافاتك .. هي مفارقة في النهاية – قد – تُخرج نفسك او يخرجك القدر ذاته .. أنما هي مفارقه
أما أن تكون حياتك مفارقة كبيرة سخيفة تكن أنت فأر تجارب لمجموعة بشعة لا محدودة من المسوخ البشرية
أعذرني سيدي لتشبيهاتي ولكنها عقدة !

عقدة تشعبت أمراضها وطفحت علي مجتمع ...... لا أجد له وصف !
تعلم سيدي؟ هناك لزّمة لا أستطيع التخلص منها وهي كلمة " البداية " دائما ما تتوارد أفكاري في المستهل أن اكتب " في البداية " فالبداية دائما عندي مغرقه بالحكاوي المرضية ، هي بدايات مشوهه تسير في أزقة غير ممهدة مظلمة وتتوه معها فلا تجد أبدا علامات إرشاد ..

وبدون بدايات أنا يا سيدي كائن فضائي وجد بين البشر ظلماً ، كائن فضائي يطلق عليه لقب مخجل " سمين " ، لحظة لمن يحاول شن هجوم مسنن علي " من المستحيل أن تري أنت مشكلتي – او مرضي النفسي – من منظوري فأنا وإن كان ما أقوله يحمل لون قاتم فهو – بالضبط – ما يعشش بداخلي منذ أن اكتشفت حقيقتي هذه بين عيون من تسمونهم ... بشر "

لا احد كامل " الكل يقول هذا وان كان هناك من يسعون للكمال فالكمال صفة ربوبية لا يمكن أن يتسم بها مخلوق فنقصان البشر سعي ، سعي للإله ولتوحيده وعبادته حتي تصل لدرجة لا أقول فيها كمال ولكن فيها اقتراب من غاية ، وهذا ما نسمعه دائما بين البشر فقط نسمعه فقط يقال ..

عندما ولِدتُ نظر الطبيب إلي وقال " أهلا ... فتاة سمينة " ، ثم تناولتني أمي قائلة " اوه ... فتاة ثقيلة " ثم رفض الجميع حملي ، وأنا لم أدرك ماذا بهم ! كبرت ككيان إنساني لا اشعر مطلقاً بداخلي بهذا الفارق المهول بيني وبين البشر ! فلم يظهر لي يوماً قرن او قرنان ، او لم يؤلمني – ذيلي – يوم ..!
ولكني سمينة بشهادة الشهود ، وكان يجب توقيفي من قبل المختصين ، حين نزحت للتعلم كان يراني الجميع كائن مهول ضخم ، لدرجة أن مدير المدرسة " الموقر " تخيل أنني ألتهم طعام زملائي مسبقاً لا والأكيد أنه تشكي مني ... وكان مصير مؤلم

وحينها علمت أنني ولدت بصحيفة سوابق ممتلئة عن أخرها بتهم ملخصها " أنني سمينة "
تهمتي هذه يا سيدي بدأت علي يد من هم يمتهنون " التربية والتعليم " بدأت مع من يطلقون عليهم اسم " معلم " وياللعجب علي تربيتهم وتعليمهم ، انطلقت تلك التربية تُعمر وتبني بداخلي ، منبوذة .. أنطوائية .. جبانة .. و

بدأت المعاناة الفعلية مع سن بلوغي ووصولي لمرحلة التمييز الأنثوي ، تنشغل بإظهار أي مفتن لإرضاء كيانها ، وأم تنشغل بمحاولات إنقاص وزن أبنتها – الدائمة - وأي فتاة في مرحلة المراهقة وبداية البلوغ الفعلي تحاول الاهتمام بشكلها بشكل مكثف فمحاولة إنقاص الوزن بالنسبة لها شئ تكميلي وليس غاية حياتية ملّت من تكرارها واعتيادها وجعلها محور لحياتها منذ البداية ، لذا فكنت أنا المغصوبة علي أداء شئ تناقضة طبيعتي الحالية ، أنا لا أريد أن أصادق عجوزات سمينات من اثر الزمن عليهن ، لا أريد أن يكون محور حياتي الجيم والرجيم والفاكهة والسلاطة وخلافة
أريد أن أكون كباقي الفتيات ، وهنا عرفت يا سيدي أنني لستُ كباقي الفتيات ...!!

في المترو ...

2009-08-12T04:14:00.000-07:00

في المترو ...

تعشق المترو لذلك ، كلما رفعت يدها ممسكة بطرف العمود الحديدي الراسخ أمامها محاولة التشبث بخيط أفكارها وذاتها ، تعشق المترو لأنه المكان الوحيد التي تختلي فيه بها ، فتسألها وتعيشِها وتعيشُ معها في تلك الحالة المحببة لها دائما ، تحلم وتبني وتضحك وتبكي ، تفعّل الأحلام دائما في المضارع فالماضي رث الثياب في أحلامها والمستقبل ، المستقبل في نظرة العين تلك .. تراه وتبتسم بداخلها محضتنة كتابها التي تلهو بقرائته دائما في المترو ..
تخلع عينها بعيدا عن العمود الحديدي لتراشقه بنظرة تسبح فيها بداخله ، باحثة عن بداية حلم ما ، حلم أبطاله ورقة وقلم وعين تحاصر مفاتنها ، حلم يعيش علي دقات موسيقي ولمسة يد لاهثة من ركضة الملاحقة ، حلم يمتزج دائما في حديث العيون
تعشق المترو لأنة المكان الوحيد الذي تختلي بأبطال أحلامها المختلفين دوما في كل حلم ولا يحاسبها أبدا من اغتصب حق المحاسبة ، إنها فقط أحلام ...

تقف دائما في هذه الزاوية القريبة من الباب الخلفي حيث تري كل الوجوه ، وجوه تشبه من اعتادتهم ، في البيت ، في المكتبة ، في شارعها ، وجوه وأماكن ألفت تحطيمهم لأحلامها إلا المترو هنا كل الأحلام مباحة ، هنا لن يقفل علي حلمها أي باب ، هنا تذهب للمكتبة كاتبة وليست عاملة ، هنا انبهارهم بصوتها وأدائها ، هنا حلم الفرصة والشهرة والمجد ، هنا أب وأم يقدرونها ويعتنون بموهبتها ، هنا أخ يصادقها ويسمح ببعض الأحلام ...

هنا اقتراب المحطة الأخيرة ، تتشبث جيداً بعامودها الحديدي ، تترنح أحلامها من هول النهاية ، تخبو مستسلمة للوجوه المتشابهة ، لشارعها ، للمكتبة ،... للبيت

رسالة من مريضة نفسياً إلي طبيب نفسي

2009-08-02T09:36:00.000-07:00

رسالة من مريضة نفسياً إلي طبيب نفسي

بعد التحية

أنا يا سيدي مريضة نفسياً ، لا تتعجب من كوني اعترف مسبقاً بأنني اعاني مرضاً نفسياً فأنا ما راسلتك إلا بغرض العلاج أهناك كثيرون مثلي سيدي؟ ومن يأتيك وفيما يبتغي؟ اشعر بأنني أعيش في مصحة نفسية كبيرة لكن تلك المصحة لا تخرج أصحاء بل تزيدهم مرضا ، اسمي سيدي لن يفرق كثيراً فهو مدون في كل –روشتة – علاج كتبتها ولأنني لا املك ثمن لعلاج قد تكتبه لي .. ولأنني لا اخشي مقابلتك في عيادة – حضراتكم – الخاصة ولكن يخشى جيبي أني لا املك – مقاما مادياً – لفيزيتة قد يطلبها سكرتيرك سيدي ..
لذا هذا هو السبيل الوحيد الذي استجمعت قواي ومكوناتي النفسية المتضاربة المتناقضة واستخدمت جزء من جرأتي المفقودة للتحدث لا بل البوح بمجموعة من ذكرياتي التي تحمل مؤشرات داخليه بمرض نفسي حدث بالفعل .. بل هي مجموعة أمراض نفسية ..

من أين ابدأ؟ اعلم أن وقتك سيدي مشحون بالكثير فلو نحن في بلد غير تلك ولو أن – فيزيتة – سيادتكم اقل نسبياً لكان الإقبال علي تخصصكم في كليات الطب مشحوناً ، إلا أن التميز في المجال ضعيف نسيبا – وهذا المعتاد – والمتميز في المجال زاهداً في أمثالي ..

لكن حقيقة ما يشغلني الآن البداية فالبداية دائما هي البداية .. عذراً اقصد أنها البداية لكل مشكلة او معضلة او آفة مرضية وأنا البداية عندي مكثفة ومليئة وعفواً رغم دراستي في مجال علم النفس – فأنا اعترف زهواً – أني غير متعمقة من موقعي هذا – المرضي اقصد – فقد افتقد لمصطلحات او اشرح بشكل قد يثير في نفسكم والقارئ السخرية ، فقد أكون مدعية ثقافة او ساعية للتفاخر وأيضا ومن الممكن والمحتمل أن أكون ساعية للشهرة والمجد علي زيف وخلط الـ... عفواً عفواً بعض الأمراض الأخرى وما تصنيفها يا تري؟ أمراض اجتماعية ؟
لا عليك المهم أن تؤتي الرسالة ثمارها حتي وإن بقيت بعض الثمار لتتخمر ..

الخوف سيدي الخوف .. وما أدراك ما الخوف .. هل شعرت بالخوف مرة سيدي؟ هل تعمقت في هذا الشعور في سن مبكر ؟ مثلا ست سنوات ، لالا بل أربع لا قل ثلاث .. اثنان !!!
أتذكر أول مرة شعرت بأن علي أن أخاف هو لم يكن قرار صدر في ثنايا مشاعري ولكن وللعجب هو شعور تلقائي ، عندما لا تفهم شيئا سوي أن هناك أفعالا غريبة تصدر من أناس هم مكونات حياتك ، لا تفهم سوي ان كلاماً خرج يؤذيك ، آلام تراها .. ثم تستشعرها في عيون من خرجت – أنت – منهم ، لا تفهم لست أهل للفهم أصلا ، تنتظر أنت دورك .. هنا يحين في كل مرة
في كل مرة فتاة صغيرة تجلس خائفة حتي وإن كانت لا تعرف اسماً لشعورها هذا ، في كل مرة فتاة صغيرة تجلس لتلعب مع الرفقاء في الحديقة وتلهو مع " يوسف " صديق الطفولة ، فيكون الجزاء بوابل السباب والخرطوم المثعبن ، تبكي وتنتظر الوعيد ..

وهذا الحال دام ، اعتدت سماع السباب ، واعتدت اللوم علي اللا شئ ، لوم من؟ لوم نفسي بكل تأكيد
فنحن الفئران سيدي دوما ما نلوم أنفسنا ان القطط تأكلنا ، او ان القدر وضعنا في طريقها فينزف ذيلنا ونلقي مرتعدي في نقطة سوداء ، وإذا ما مر فأر صديق بها ... نرتعد خوفاً لظلاله

الخوف من ضرب المربوط سيدي – وإن كنا جميعا مرابيط – جعل الحياة بشق الحائط أمان ، جعلني افتقر وأنا في شق حائط للأمان..
أعلم انك تراني اهذي سيدي لكن أنا اتخذت القرار ذاته ، من فترة قررت أن لا اسكت أبدا ولكن ماذا أقول؟ أنمق كلمات واسجعها ثم ألقيها في وجوههم فلن يفهموها ، فأتركهم وانعتهم بالجهلاء الظالمين الحاقدين المنصفين للتعنت والرجعية ، ثم أرجع أنادي بما قد ينادوا بيه .. الغريب أنهم ينحازون إلي ، كبير يخشى أكبر وصغير يخشاهم جميعا ً..!!
أرهقني التفكير وأرهقتني الكتابة وأرهقني تذكر مأساتي ، رسالتي القادمة حتما ستحمل بعضاً مما يصدع رأسك دائما سيدي

استسمحك ألا تتهاون من كلام فتاة عجوز مثلي .. فتلك فقط البداية

حنان بنت حب آل عشق

2009-07-05T11:58:00.000-07:00

حنان بنت حُب آل عشق
إن كنت ترى في حنان يقين فأعلم أن حب قد قتله
امرأة تكتب ما عشقت

عن آل عشق حدثوني أنا حنان بنت حب في عصر غير هذا وأوان فات وكان عن عشق رجلاً عريض المنكبين قوى البنية علي الجبهة وذاع سيطه عن وسامة لم تضاهيها وسامة في الرجال فكان عشق ما إن تراه امرأة حتى تخر بين يداه محبه ، فما أن اشتهى امرأة حتى أودع عيونه سحرها وقضى أمرها ، كان عشق يعمل تاجراً يبيع ويشترى يختار ويبهر في حرفيته ،وتجارته صارت في
رواج ، ظل حال عشق هكذا حتى جاء يوم كان يسير فيه عائداً إلي بيته سارح في ملكوت الله جل جلاله يمتطى من الأفكار ما اشتهى مُسلّيه حتى فاجئه نور لا يضاهيه نور يملأ المكان غابت الشمس خجلا وذهب النهار حيرة فكانت الأرض وكأنها الشمس تنير الكون ظلاماً ، فأرتجف الناس رعبا واحتار معهم عشق لكن قوة قلبه جعلته يتجه لهذا النور ، وبين حقول الوادي الخضراء سار

في تقدم وشجاعة يحاول إن يخفى قوة النور عن عينه بيده حتى اخترقه وكأنه يخترق عالم جديد غير الوادي والقرية والناس ، أن عشق دخل النور ألوان زاهية .. عطور فواحة ..ونغمات من عصر قادم تلهو على آلات موسيقية عجيبة ، كل هذا اسقط في روح عشق هدوء وخدر عجيب ، ظل يسير بتلقائية شديدة ناسياً أمر أهل القرية والنور المبهر حتى رآها كانت تجلس على حافة ماء جارى يعزف بجريانه صوت يدغدغ أعماق أعماقه فيجعل منه ورقة شجر رقيقة تحبوا على سطح الجندول
تدافع بداخل صدره إصرار آلي على أن يتجه لها ويحتضنها ويشبع صدره المغرق بحبها ، لن تتعجب من كلمة "حبها "! الماء الآن مرأى عين عشق وهوى أمامه ...هوى ! نعم عرف اسمها حتى قبل أن يسقط في ملذات نهرها ، من المؤكد انه وقع في هذا العالم العجيب ، يعشق امرأة لم يرها من قبل فاتنة نورها أعطها الحق في عشق ، عشق أنت لها الآن ..تكررت في عقل عشق كلماته إلا أن ما افجعه تكرار كلمات أخرى في عقله أيضا ، بصوت لم يسمع له مثيل من قبل ..إنها هوى

************************

حنان أنا عشت حياتي في عالم مصنوع من نور يتجلى فيه الحب في المقام الأول ، والدي هو حب وأمي أمان وجدي عشق وجدتي هي هوى
فكنت أنا حنان
فهل يتذكرني احد ممن عشقوا؟

نسيان حالات الحب الحقيقية في عالم مجنون كعالمكم شجعني أن أحاول أن يعود هذا الحب ، أن يعود مع أسلافي ممن عاشوا العشق وصدقوه ، جدتي جولييت ، وجدي عنترة ، حتى حسن ونعيمه
حتى من بعدهم أن قدموا

لما نسينا الحب؟
هذا السؤال ابعثه لكم لأعرف بآرائكم التي قد تفيدني في كفاحي وبحثي عن عالم الحب الذي ولدت فيه والزى أتمنى أن يعاود من جديد

حنان ...هل تعرفون؟

المنكتاتيه ....

2009-06-25T13:17:00.000-07:00

المنكتاتي هو من يقول النكته بإحترافيه ، معني بسيط ولكن عمق التفاصيل تجعلها موهبه نادرة ومستحيلة الوجود إلا إذا راعينا عدة نقاط

فمثلا المنكتاتي- كما ذكر سابقا- اظنه مصرى خالص جدا وهذا يجعله فى حد ذاته شخصية نادرة الوجود ما بين إفتعال فعل تأليف النكته والتي تكون بنسبة كبيرة لها ابعاد ..سياسية او اجتماعيه او اقتصاديه او حتي شخصيه المثير هنا اننا كشعب نتفق دائما فى النكات الشخصيه المعبره عن عقد نفسيه التي بدورنا نتفق -دائما- عليها وكأننا نحتاج لطبيب نفسي ياخدنا دفعه واحده او مجموعة لا بأس بها من البخور تقينا شر الحسد الجماعي

ولاشك ان ما ذكرته كفيل بوجود متوسط نسبى للمنكتاتيه بيننا ، بين كل عشرة مصريين إحدي عشر مصرى يؤلف نكته وبين كل عشرة مصريين مائه او يزيد يضحكون عليها مهما كانت درجة سخافتها

********************************

" نحن شعب إبن نكته " إخوة مجبرة تلك ؟!! لا تروقني ابدا تلك الجمله ، حتى وان كانوا اخوتي فأمي تبرأت من إسم نكته من زمن بل حتي من أسماء آخري اطلقوها - غصباً - عليها ، لذا فأنا افضل مصطلح " المنكتاتيه " بشكل قوي

نحن كرعية وراعي نعشق إطلاق النكات كصواريخ تحيي وتميت فالرعيه يطلقونها ليموتوا .. والراعي يطلقها ليموتوا ايضا - الرعية بكل تأكيد - مع العلم ان لكل منهم -منا- طريقته

********************************

إذا ما وجدت " هوجه" من إطلاق النكات بين -عامة - الشعب وإن كان بينها بعض من النميمات والمنمنمات السياسيه فأعلم ان السودان تأخرت فى صنع الجلود وخصوصا المكربجه منها .

كثيراً ما يقال عنا شعب المنكتاتيه اننا " نفهمها وهي طايرة " إلا ان المنكتاتيه من فئات أ.أ يطلقون صواريخ ساذجه الغريب انها تنطلي عليهم - علينا - فى حموريه عجيبه فى صورة يقل لك فيها إنظر للكاميرا وقل تشيز فتقل تشيز في حين ان هناك من يرسم "قرنين " لك معلناً حموريتك المؤكده .. إن أ.أ تعنى أكابر الحكومه ...!!

*****************************

بيقولك مرة مجموعة خنازير امريكان عاملين مظاهره عشان الخنازير المصرية اعدموها فكان فى واحد بيعيط جدا فسألوه ليه قالهم اخويا كان فى مصر واعدموه قام واحد رد عليه وقاله بس تلاته صفر كان انتقام صعب عليهم

عارفه انها بايخه .. بس انا هسيبها لانها اول محاولة تأليف نكت ليه

إشمعنى انا مألفش نكت؟

إنفصام

2009-06-06T12:42:00.000-07:00

حاولت ان اكتب دربا من دروب الرعب ، شرعت فى محاكاة الجن والاشباح ، قرأت عن بو وسوتكر وستيفن كينج وسمعت حكاويهم وارتعبت كباقي البشر ، فكرت فى فرانكشتين ومسخه الرهيب ، حاكيت كتابات الدكتور احمد خالد توفيق ، عشت بداخل بيت احترقت امرأته ذاتيا ، ولعبت مباراة انا ودراكولا ففاز بها اللعين .. كل هذا لم يغفر لي ان اجد ورقة الوورد اللعينه تخرج لي بلسانها معلنه نصر اختلاط الافكار أو لنقل ....

-ممكن تبطلي الكلام المنمق دا؟

-إنتي تانى !!!!!!!

-انا تانى وتالت ومليون .. انا انتي ودي حياة انتي بتبوظيها ، مثلا بتكتبي رعب ليه ؟ وهل شايفه انه شئ سهل انك تبعدى عن كتاباتك الاساسيه وتكتبي رعب؟ وانتى اساسا كويسه فيه ولا من باب الاختلاف؟

-ارجوكى اهدى ، انا من حقي احقق احلامي المكبوته ، من حقي اشوف طاقة نور ، وكمان انتى معترضه علي انى اكتب رعب؟ انا بحب الكتابه دى اينعم لسه بحاول اتقنها بس هقدر

- نفسى اعرف جبتى قناعتك دى منين .. انتى متعرفيش ان صاحب بالين كداب؟ وبعدين انتى طول حياتك بتحلمى بنفسك كاتبة قصة قصيرة وصحفيه مجتهدة او نشيطه معروفه ؟؟؟؟؟؟؟ لماذا تخليت عن كل الاحلام واصبحتى فتاة متعرفش غير اللوم علي النفس وحلم احلام مش هتتحقق ؟ انتى عارفه كويس ان موضوع كتابات الرعب مش هيفيدك ومش هينفعك انتى عارفه كويس انك مبتشتغليش انتى عارفه كويس انك مذبذبه ومش عارفه حاليا تتعاملي مع الحياة خصوصا بعد الصدمات والمشاكل اللى مريتى بيها

- استنى هنا .. هو انا اللى عملت كدا فى نفسى؟ اظن انتى كمان كان ليكي يد كبيرة فى دا ، متحيره يا آه يا لأ ، خوف بقى بيمثل ليكي المرتبه الاولي فى صفاتك ، بقيتى ضعيفه متهالكه شبه آدميه ، انتى شايفه انتى كدا هتحققي اية؟ ولا هيحصل اية ولا هتتقدمى ازاى جواكى مليون فكرة وفكرة ، عايزة انزل بكتاب لالا مغامرات اطفال لا طبعا وقفتى علي فكرة الرعب وقولتي هى دى اللى هتعمل مشكلة ، طيب ردى عليا عملتي اية فى موضوع الدراسات العليا ؟ قوليلي عملتى اية فى مشاريعك اللى بتحلمى بيها ؟ طب قوليلي اخر مرة اشتغلتى صح كان امتى؟؟؟؟؟؟؟؟ اخر مرة كتبتي شغل بجد كان امتى؟؟؟ اخر مرة اتصالحتى معايا كان امتى؟ حملتينى كل الغلط؟ عذبتينى ؟ عاتبتينى وجلدتينى؟ ارتاحي بقى وسيبينى

- اسيبك؟ طيب هديكى حريتك .. بس لو اخدتى حريتك دى هتعملي اية؟ هتغلطى تانى ؟ انتى متصورة انهم هيدوكى الفرصه ؟ انك تعيشى اى حلم من احلامك دى ؟ يا بنتى انتى نسيتى قمعهم ؟ نسيتى اللسته الطويلة اللى كتبتيها وخبتيها ؟ طب نسيتى كل جوابات الانتحار اللى كتبتيها عشان تتخلصى من الكبت المعهود؟ بصي بطلي تطلعى عقدك عليا انا بجد مش ناقصه كفاية قوى اللى بيحصل

- علي فكرة انا محتجالك ، محتاجه ان عقلك ينضج اكتر من كدا وانك تبصى للحياة بشكل اوضح ، تعالي نرتب اورقنا لانها بجد بقت متلخبطه بشكل مخيف .. تعالى تانى ناخد فرصه والله هتتحل ، بصى انتى دلوقت عندك القناعة بإمكانية كتابة مجموعة قصص رعب؟ يعنى فعلا هتقدرى علي شئ زى دا وضامنة نجاحه ولا مجرد هبل فى الجبل؟ دى نقطه النقطه التانية مشروعك اللى بتحولي تعمليه هل هتقدرى فعلا تديرى مشروع زى دا ؟ وهل هيتاح ليكى حرية التحرك والايمان النفسى الكامل من الجهات القريبه ليكى؟ هل هتقدرى تعملي دعاية وتواجد قوى ومستمر فى بلد زى بلدك ؟

- انتى عارفه انا محتاجه اية ؟ بجد انا محتاجه ايمان من اهلي والناس اللى بحبهم بيا وبقدرتى علي النجاح وبثقتهم فى انى اقدر احقق شئ انا بحلم بيه ومؤمنه بيه ، انا اكبر من شك فى انى بنت مراهقه هروح احب فى واحد ، انا عايزة ابدأ مشروع هيحدد ملامحى الناضجه ، نضوج تفكيرى بيتمثل فى انى اعتمد علي نفسى اعتماد تااااااااااام وكااااااامل انا فى سن فيها اكبر رغبه ملحه هى الاستقلاليه الفكرية والمادية والاعتماد التام علي النفس انا عايزة اتحمل مسئولية نفسى كشخص ناضج تعدى الخامسة والعشرين ، نفسى اخد الفرصة دى اقتنصها

- والحل ؟ دلوقت احنا قدام مشكلة عويصه فعلا وهى انك مش قادره توصللهم قناعتك بإنك فى احتياج للاعتماد علي النفس وانك توضحلهم مدى اهمية انك تجازفي بالخطأ عشان تتعلمى ، اوكى انا مريت بالخطأ سيبونى اشوف الصح الانسان اللى بيغلط مش حياته غلط علي طول والانسان اللى بيعمل الصح حياته مش صح علي طول ، لازم يفهموا ان البنت اللى عايزة وبأكد علي كلمة بنت اللى عايزة تغلط او تعمل اللى يسئ ليها بتعمله

- انتى بقيتى صعبانه عليا ، كل اللى بتقوليه مفهوم تماما لكن ليا انا يعنى ليكى هو اة اترتب لكن مخرجش من حدودك ، نوصله ليهم ازاى دى الطريقة اللى شفرتها مبهمه ليا وليا

- انا تعبت من كتر الكتابة وكتر الكلام ولازم اكتب ولازم اتكلم عليا بكل دا اييييييييييية انا تعبت من الاستسلام انا تعبت من قلة الحيلة انا تعبت من كلام فى الهوا بنقوله انا تعبت من اليأس انا تعبت من المغالطه والركب ع الحمار من ع الشقلوب تعبت من كتر مبقول طوووووووووور والناس دى بتحلبه طب انا ذنبى اية؟ طب دلونى اكون معاهم ولا عليهم ؟ الغي تفكيرى واركب الحمار من ع الشقلوب طول حياتى وخلاص ولا اعمل اية ؟ ايه اللى ليا وايه اللى عليا ؟

- المفروض انك تقنعيهم باحلامك وافكارك وموهبتك وطموحك والحاجات اللى عايزة تعمليها

- بزمتك مش مكسوفه وانتى بتقولي كدا؟ كام مرة حاولتي ورفضوا لالا كام مرة حاولتى وسخروا واستهزأوا بيكى كام مرة كنتي بالنسبالهم الزرع الشيطانى الخطر علي مجريات الحياة ؟ كام مرة احلامك بالنسبالهم مس شيطانى هيوديكى فى داهيه؟ كام مرة نظرت ليكي امك علي انك هتجيبلهم الشرور فى اخطائك التى لا تغفر عندهم رغم ان الله اشعرنى بصفحه عنى وغفرانه

- انتى ليه متحامله علي نفسك كدا اي شخص بيغلط وانتى غلطك مكنش بالبشاعه دى ، عارفه انا عايزة اقولك اية حاولي تحبي نفسك هما هيشوفوكى احسن ، وصدقينى دا خوف عليكى

- اه فعلا مانا عبيطه وساذجه بس علي فكرة انا لو كدا فده بسببهم لان هما مدونيش الوقت ولا الفرصة انى اعرف نفسى واقيمها واطور نفسى ، ياا بنتى افهمى هما شايفين انى مجنونه كل اللى بعمله غلط بكتب غلط بقرأ غلط بشتغل غلط انا نفسى غلط وجودى فى الدنيا غلط

- مش هتتغيرى

- مش عايزاكى ، وهما كمان مش عايزينك

الفستان الاحمر ..

2009-05-27T13:13:00.000-07:00

الفستان الأحمر .. الحذاء الأسود وشنطه سوداء صغيره ..وشاح اسود يغزوه اللون الأحمر الدافئ كانت تسير في إيقاع منتظم يصدر عن كعب حذاء كلاسيكي .. فاتن حمامه في خطواتها البريئة الخجلي وهند رستم في عنفوان شبابها وجرأت نظراتها ..

التفت الجميع إليها وهى تخطو واثقة في المكان تعرف وجهتها بنظرة متأكدة .. إلا أن ثقتها خابت .. هناك آخرون في المكان ..
حيرة عيونها أخذتها في إرجاء مكان .. كانت تحفظه عن ظهر قلب .. هنا لعبت .. هنا بكت .. هنا قبلتها الأولي .. هنا قبلها ميسرة ثانياً .. حتى بعد أن تحولت الفيلا إلي راستيرون ..ظل مكانهم المفضل ..تراشقوا بالأحلام في هذا المكان .. انتابتهم نوبات الضحك الهيستيريه في هذا المكان .. تعرفوا علي رولا ومايكل أيضا في هذا المكان .. وظهرت أخيراً تلك الابتسامة علي كريزة الكريز .. نعم تلك الضحكة الخجلي .. أأأوه ..مازالت رائحة العطر المنسكب هنا .. فما كان عليه أن يقبلها وهو يهديها عطرهم المفضل!! .. رولا الآن مع عشيقها اللدود مايكل يتشاجران كل دقيقه وفي كل دقيقه أجدها في أحضانه .. الهواء هنا في شرفة الفيلا مختلف تماما ..البحر نصف دائرة جليدية الشكل أراقص فيها ميسرة وأنا اتزلج .. كما كنا نفعل صغاراً .. مممممم ما أجمل الرقص علي الجليد ، كنت أدور وأدور وأدور .. شعري كان أهوج منحرف حتى انه كان يتطاير علي عيني فلا أري الثلج أمامي واسقط مرغمة إرادياً في أحضانه

في هذا الجزء من الكورنيش كنا نتمشى سوياً كانت ليلة صيفيه وفجأة هب هواء رفع طرف فستاني الأحمر .. فوجدت ميسره يبعد بنظره عني حتى أصلحت من حالي .. تفحصت نظرته بعدها جيداً ، كانت مزج بين غيرة وحب وأشياء أخري لم أرها فيه من قبل ..

" أمي حان وقت الرحيل "
وبنظرة باسمة راضيه حركت كرسيها المتحرك نحو باب الخروج ...

إلي فتاة كنت اعرفها ...

2009-04-22T13:56:00.000-07:00

تلك الفتاة التى تلهو وتلعب بخصلات شعرها متخيله كتابها الثانوى ونظرة مختلسه على صباع روج تتمنى ان يخط على شفتاها لون يزيدها إثارة

تلك الفتاة التى عاشت فى ظل تنورتها القصيرة وقميصها الأبيض وضفيرتاها الناعمتين البنيه المزينه بشريط ستان احمر

تلك الفتاة التى تسلقت الشجرة باحثه عن قطتها الصغيره ،ونزلت تحت سريرها لتعبث بعالمها الخفى وعروستها القماش المفضله

تلك الفتاة التى قفزت من فوق الحصان عندما حاولت تعلم الفروسيه ولم تجد ما يجعلها متألقه غير ان تكون راقصة باليه

تلك الفتاة حاولت ان اكون هى حتى وان كانت فى خيالى فأنا كطفلة صغيرة كنت حالمة متهورة الاحلام والخيالات ، ولكن حتى الخيال لم يرضخ لرغبة مكبوته داخل قلب فتاة صغيرة ، لم تكن ابدا حتى فى الخيال حتى فى الخيال

انا فتاة حلمت ولم ترى حلما ..حلمت فى حلم ليس له وجود ..حلم لم يعرف لأرض الاحلام واقع ..ولم يعرف الخيال عنه حياة
انا تلك الفتاة التى عاشت بداخل خلايا عقلى الطفولى المتأرجح على ارجوحة انقطع حبلها ..

كنت اتمنى فقط ان اعيش لحظه واحدة من تلك اللحظات الخجلى ..كنت اتمنى ان تفك ربطة شعرى ويطير فى الهواء ..كنت اتمنى ان يكون لي تلك الصديقه التى اخفى اسرارى فى حقيبتها ..واخفى معها كل همساتى واشجانى ومغامراتى ،تلك الرفيقة التى عاشت بين ثنايا عقلى وخيالاتى فقط

من ضمن الاحلام ...هذا الحلم الذى يراودنى بين الحين والآخر .. اراه الآن جيتار يحمل معانيا ..ألمسه بهدوء وخشيه ..رهبة تحمل شغف الشباب واندفاع المراهقه التى لم اعيشها ..

لم اعش مثلما خططت لنفسى ان اعيش بعد الحياة ..فوات الآوان يعنى هنا كل الحياة ..فلقد عشت فى سباااااااات عميق وافقت على عجز كبير ..جسد يعيش بداخله طفلة شاخت من كثرة الاحلام

الآن اتضحت الحقيقة كاملة ..انا طفلة خطائه ، فى وقت وسن لا يحمل للخطأ معنى سوى الخطيئه ..لم اكن يومياً خير الخطائين فالتوبة لله فقط اما فى دنيا كهذه فعليك ان تشق قلوب البشر حتى يتوبون عليك !

سابقتى العزيزة التى كنت اظن انى اعرفها ..لما اصبح فعل الكتابة بالنسبة لكِ مشقة مسافر الصحراء بدون ماء؟ لما ثقل الكلام على كاهلى فأصبحت العجوز المرتقبة للنهاية ..الممنية نفسها بالجنة لصبرها؟ لما اترك القلم كل خمس دقائق وابكى من فعله فى يدى كعذابات هتلر لحقور الارض؟ لما ظهرت فى اصابعى حروقات غريبه لا اعرف مصدرها ؟ لما تموت تلك الفتاة اليافعة الحماسية النشيطه المدافعه عن حقها بداخلى .. لما !!؟؟

اعلم ان جوابى لم ولن يكون بداخلك او بداخلى ..اننى فارغة مثلك يا انفصامية ..فلا تعتمدى علي بالله عليكِ .. كل ما عليكِ ان تلقى ببواقى الكلمات هنا .. بدلاً من قمامتك المتهالكه

عندما يأتى المساء

2008-10-09T14:42:00.000-07:00

عندما يأتى المساء ..الناس كلها بتنام
عندما يأتى المساء ..ناديه بتضرب ابنها عشان يعمل الواجب
عندما يأتى المساء ..ام محمد بتاخد العيله عشان يزوروا نسايب ابنها
عندما يأتى المساء ..زينب هتنزل من بيت ستها تودى شهريتها لامها واخواتها البنات
عندما يأتى المساء..هيجى ابو العيال بأكلة كباب لزوم العَشَا
عندما يأتى المساء ..هيخرج إسماعيل كالعادة مطوح من الغُرزه
عندما يأتى المساء..هيقعد الحاج ابراهيم فى خلوته يصلى ويستغفر ويدعى لابنه بالتوبه وانه يخرج من السجن
عندما يأتى المساء ..هيزور عم جورج مرات احمد زى مهو متعود يزورها كل اسبوع بعد مجوزها استشهد فى غرق العبارة
عندما يأتى المساء..الست فاطمه هتودى طبق كحك وبسكوت لحبيبتها وجارتها ..ام مينا
عندما يأتى المساء.. دى ليلة العيد لازم اسامه يقضيها وياريت لو في موزه فى السريع عشان يلحق صلاة العيد
عندما يأتى المساء..هتروح نرمين هى وصحباتها فى الكليه دار الأيتام، وحشوها قوى من الاسبوع اللى فات
عندما يأتى المساء ..احمد بيفكر الساعه كام هيكلم منى عشان يقولها كل سنة وانتى طيبه ..يا حبيبتى
عندما يأتى المساء..سمير هياخد فلوس الذكاة اللى وعد امه يخرجها ويروح مكانه المفضل..يشرب وينسى
عندما يأتى المساء ..هتنام مريم وهى بتحلم ببابا نويل ..هيجبلها عروسه؟لا هى عايزة رجلين زى اللى كانت عندها !!
عندما يأتى المساء ..هتنزل منال بعد مالكل ينام عشان تقابل سيد ويهربوا سوا
عندما يأتى المساء..هتقعد الحاجه صبحيه مع بنات ولادها يتفرجوا على المسلسل ويقزقزوا لب
عندما يأتى المساء ..فرح محمد على مراته التالته بعد جوازتين وست بنات ..ويارب ولد
عندما يأتى المساء ..خرج عم فاروق يصلى العشاء بص قدامه لقى صاحب عمره بعد غياب عشرين سنه اخده بالحضن ..ومات
عندما يأتى المساء ..الاستاذ وليد هياخد مراته يوصلها بعربيته شغلها اصل شغلها متعوده دايما...يكون بليل
عندما يأتى المساء ..زى مخططت سماح ..هتخلص من جوزها وترتاح منه ..للأبد
عندما يأتى المساء ..هيرجع ابن سميه ليها بعد فراق سنين وقواضى ومحاكم ..يا ترى هيفتكرها؟
عندما يأتى المساء ..القمر هيطلع والسما هتبقى سواد وايناس فى الدور الاخير واقفه تبص للقمر وتقول : يا ترى لسه فاكرنى؟
عندما يأتى المساء .. كل البشر فى احوال ..وانا قاعده بكتب حال من مليون حال

عندما يأتى الصباح ..مدارس ومشاغل وبرودة وفطور وفول واشياء آخرى

2008-10-05T11:43:00.000-07:00

كنت دايما بقول انى لقيت فيه اللى ملقتوش فى فى...فى حد مينفعش ميكونش يحمل الا المشاعر دى ، بس احنا مبنختارهمش مختارتش ابويا لكن حسيت معاه انه ابويا اللى بيحن عليا ويسأل ويطمن ويخاف ..حاجات افتقدتها ومش هخبى عليكم
انا مكنتش جايه اكتب ..كنت بدخل فى سكوت مدونتى ابص عليها نظرة يائس وامشى ..لكن بعد مصلحت الكمبيوتر قولت اشوف الناس اول حد - كالعادة - بدخل ادور عليه كان بابا ..ولما اقول بابا يبقى يوم حفلة توقيع العدد الاول من مدونات مصريه للجيب لما قولتله يا بابا انا عايزاك تيجى ولما لقيته ، ولما واحد معرفوش شافنى وانا بسلم عليه وواقفه جمبه وبيسألنى ده والدك بجد؟ بدون تردد قولت اة ده والدى
ايوة ده ابويا لانه حسسنى بكده ، ومش انا بس

انا عايزة يا بابا اقولك حاجه ويارب بجد تشوفها ..انا عارفه انى زعلتك قبل كده بس انا كمان عارفه انك قلبك طيب وكبير وبتحبنى وبتحب كل الناس
بجد سامحنى لو كنت انا اللى خليتك تبعد ،بس بجد ارجع عشان فعلا انت حسك بس بالدنيا عندنا ، انا مش عارفه اوصلك ولا عارفه اكلمك
وفعلا حسه انى محتاجه اكلمك ، محتاجه ارجع زى الاول واكيد محتاجه مساعدتك لده

اعذرنى وسامحنى ان كلامى وكلام الدنيا ميوفيش الاحساس اللى شيفاه فى كلام الناس ولا كلامى
عايزة بس اطمن على حضرتك

كيف ترتقى ادبياً...؟!!

2008-09-11T12:59:00.000-07:00

مقدمه لابد منها ضرورى اوى خالص """"

ازيكم ...وحشتونى قوى ..طبعا انا ظروفى لسه زى مهى لكن انا وسبحان الله جاتلى قوة وطاقه غريبه جدا على حالتى دى ..فعلا صدق اللى قالى من غير ميعاد ان خروجى من اللى انا فيه بأيدى انا ورغم انى لسه زى مانا ، بس حسيت بقوة الكتابه جوايا وحاجات كتير عايزة تخرج وعليه قررت انا المدعوة عيلة مفتريه سابقا ان انزل بتتر ..اقصد موضوعات هى ممكن تكون مقالات ساخره وممكن رغى بينى وبينكم فى السياسه - اللهم اكفينا شرها- بس الاكيد ان اسمها " ماشية مره " ، ودى اول حاجه تانى حاجه بقى حاجه كده ميتقالش عليها الا " حوار مع الحمار " ومسمعش اى تعليق
حوار مع الحمار هينزل كل اسبوع بأذن الله وبردو هو نوع من انواع الكتابه الساخره عشان بس منخبطش فى حد ونتعلق ولا كده لالالالا اما ماشيه مره فدى هتكون موجوده بحظوظها

كده المقدمه خلصت ....وعلى فكرة ملهاش دعوه نهائى باللى جاى ورا ...!!!!

................................

ازاى اكون راقيه ادبيا ؟؟!!! متعرفوش السؤال ده راودنى قد اية ..يمكن لانى لما فتحت عينى على نور الاوضه لقيت ان ده نور ربنا والفجر اذن من زمان ، يمكن لانى لما حاولت جاهده مستميته متشعلقه فى ميكروباز انى اعرف ازاى اكون راقيه ادبيا من اى حد من كبار الادباء والمثقفين والمعروفين دوليا على مستوى قصور الثقافه فى النجوع والمراكز والكفور وبردو مطلعتش منهم بإجابه واضحه وصريحه

واحكيلكم موقف

كنت فى يوم من الايام الصيفيه اللى كانت دايما تبقى مفعمه بالنشاط الثقافى ولان المثقفين فى جميع انحاء الاقاليم المصريه بيجتمعوا فى مؤتمر للادباء قولت اتشعبط على اول ميكروباظ واروح اتثقف واتعلم وانشكح وسطهم مهما بردو عزوتنا ، المهم طق فى دماغى السؤال

انا : احم احم ..استاذ معقد ممكن اعرف ازاى اكون راقيه ادبيا ؟

استاذ معقد : انتى يا انسه محتاجه على عمرك عمر تانى لتفهمى اساسا معنى سؤالك ده ..يا انسه انتى مش شايفه جبهزت الشعراء والمثقفين انتى لازم الاول تقفى وراهم وتسمعى لهم وتتعلمى يمكن تفهمى معنى سؤالك

انا بلاماضه :هو حضرتك يا فندم مينفعش الجيل الجميل ده يعلمنا بردو اهو يكسب فينا ثواب

استاذ معقد :سواب ايه يا انسه انتى ...وعلى العموم بعد الغذاء بأذن الله هقولك

وطبعا الغدا جر عشا وانا فضلت استنى اجابه لسؤالى كيف ارتقى ادبيا ،بس طبعا انا مفضلتش ساكته على حالى كتير قولت مادام الكبار محتكرنها يبقى انا لازم بردو اشغل جمجمتى
وعليه - امسكوا ورقه وقلم - ونبدأ فى معرفة كيف ترتقى ادبيا
نمبر 1 ..كل اللى يقع تحت ايدك يا معلم تقراه ..متقوليش ده مبفهموش ..متقوليش ده لغة فارسى ..حاول تثقف نفسك وتمنجه نفسك انا مبهزرش لازم تكون عارف كل كبيرة وصغيره ولو مش عارف مَثل يا سيدى
نمبر 2 ..بأى شكل من الاشكال البس نضارة نظر ويا سلام بقى يا بوب لو تبقى كعب كبايه ..صدقنى هتوصل للارتقاء فى ثانيه
نمبر 3..تبقى ماشى فى الشارع يا معلم وايدك شايله ايشى جرايد وايشى كتب ..لازم تبين السقافه هيقولوا عليك علم من اعلام الجولوجيا صدقنى
نمبر 4..احنا طبعا فى شهر رمضان والناس بقى شغاله موائد رحمان ..سيادتك تنمر على مائدة الرحمن بتاعت اى اديب مشهور او كاتب وترشق فيها ولونهم قليلين يا حسره
نمبر 5 ..حاول على قد متقدر متسمعش ولا كلمه من كلامى ده ..لان كلامى ده هيخليك ....ولا بلاش هبقى اقولك فى حوار مع الحمار

2008-09-01T14:27:00.000-07:00

اولا
كل سنة وانتم طيبين
ثانيا
انا مش عارفه اقول ايه ، احنا فى شهر فضيل ،انا جايه اخنق على الناس فى وقت زى ده
كنت ناويه اكتب واحكى عن ذكريات شهر رمضان
لكن
مش هقدر اقول الا انى بمر بظروف مش هقدر معاها اكتب شئ
غصب عنى
لانى بحب مدونتى دى جدا وبحب اصدقائى هنا
وبحب اللى بيجاملونى لما بكتب كلام اهبل ، وبحب اللى بيشجعونى ، وبحب مفتريه وعيله
بس سامحونى
سامحونى قوى قوى
ظروفى اصعب منى
هاجى كل شوية ابص هنا
بس مش هقدر اكتب

منى واحمد....ومحطة القطر ...2

2008-08-22T12:21:00.000-07:00

*منى تجلس القرفصاء وهى فى حالة من الهم والهزيمه رافعه شعار " لا للقطار بعد اليوم" ..واخذت تنوح بـ

منى: البكا والنوح عليك يالي
سرقت الفرح والهنا
عشـــــــت حيــاتي
أنت اللى فاضلي

منى وبعد أن ازداد عليها الهم والبكى والنوح ..
منى لنفسها :تعاليلى يامه الحقينى ..يعنى كان لازم القطر يعنى..هو انا ليه حسه انى النحس آه يانى يامه
*على الحال ده فضلت منى تنوح ..تتلفت شمال ويمين هداها منظر زوجين عصفورين ماسكين فى ايدين بعض الاتنين سوا سوا
منى لنفسها: آه يا احمد ..مش لو كنا اتجوزنا كان زمننا حلويين كده.. انا يا احمد انا تسيبنى وتجوز بسنت بنت البواب اكمن جالها عقد عمل فى ابو ظبى ...آه يانى يامه
منى لنفسها فى حالة حصره :ايه ده يا اخواتى جوز عصافير دول ولا جوز يمام ...شوفتى يابنتى ماسك ايدها ازاى كأنه مكلبش قلبها ..خايف تروح منه
آه ياليت الشباب يعود يوماً...كنت كلبشته

*****************

على اول الطريق كان احمد يسير مع سناء ..

أحمد : سناء ابوس ايدك مش هنا الفضايح دى عايزين نركب القطر خلى السفريه دى تعدى على خير
سناء تحاول تخليص يدها من احمد: طيب سيب ايدى مش هصوت قدام الناس
احمد يستعين بذراعه حول رقبتها: انتى كمان عاوزة تصوتى !!هو انا ماسك ايدك عشان هتصوتى...يا وليه مش قولتى عاوزة تقلعى الجزمه
سناء تحاول الجلوس على الرصيف :تعبت قعدنى هولد يا ناس الحقونى

احمد يرفعها من رقبتها ويثبت رأسها برأسه وهو يجز على سنه :بطلى فضايح يا وليه هتلمى الناس علينا خلاص قربنا

اما منى فكانت فى دنيا تانيه...

منى وهى تجلس فى حاله من البلاهه والانبهار: آه مش قادره لا ..لسه فى ناس بتحب بجد دخ عايز يشيلها ..شايفه يا بت يا منى بيقرب منها ازاى يا كزوفى يانى
الله الله ..ده بياخدها بالحضن يالهوى على الحب يالهوى ..امتى يا مون مون تحسى بكده

شخص ما : الموبيل يا ابله

منى : انا مش بتاعت موبيلات يا عمو

عمو ده : امال حطالنا يافطه ليه

منى : عشان محفظتى ضاعت وأنـ..

العمو بردو : الله يسهلك

منى : الله العصفورين راحو فين؟!!!

***************************

فى هذا الوقت كان احمد وسناء يـ....

احمد : انتى يا وليه هتمشى بالتى هى احسن ولا افجر نفسى واجبلك مصيبه

سناء : ليه يا اخويا شايفنى الامريكان ...متفجر بس بعيد عنى

احمد وقد احمر غيظا : اللهم طولك يا روح ...يا وليه انتى بتعملى فيا كده ليه امال لو مكنتش واخدك عن حب ومرمطه اربع سنين قبل الجواز

سناء وهى بتجر ناعم : مانا يا احمد بولد وانت تاعبنى

احمد : مش انتى إلي قولتى اروح لامى ...كمان يا بنت الناس الكومل انتى مش فى الخامس

سناء : لأ السابع ..وبطل تجرنى زى الجاموسه كده وامسك ايه بحنيه شويه الله

احمد بقرف ولوى بوز : طب امشى يا سناء ربنا يهديكى ، شايفه البت اللى قاعده بتشحت دى هقعدك جمبها

سناء : وهدخلنى الحمام ؟

احمد : اه هدخلك

اما منى ...

منى : الله العاصفير جايه عليا ...شايفه يا مونى ماسك ايدها بحنيه ازاى ...آآه يا حلاوة الحب ...!!

يتبع ..

***************

ملاحيظ

كل سنة وانتم طيبين وبخير وسعادة ، والى الله اقرب واتقى

اللهم بلغنا رمضان اللهم آمين

رمضان كريم يا اخواتى ..قريبا هكتب موضوع عن رمضان كل واحد يجهز ذكرياته معاه

الكارثه !!!

2008-08-18T09:48:00.000-07:00

تحديث
****
من خمس دقايق كملت خمسه وعشرين سنه ..لوحدى..اتنين من اصدقائى رنوا عليا -كأنهم بيقولوا كل سنة وانتى طيبه- واحد بس اتصل قالى كل سنة وانتى طيبه ، ودلوقت انا لوحدى
************

والله كنت هنزل بوست تانى ، بس واضح ان البوستات الشخصيه هتكتر هنا وماله يعنى مدى مدونتى بردو يا جدعان والواحد اهو يقول الكلمتين اللى واقفين فى زورو

*******

عيد ميلادى ..دايما كنت بشوف ان اليوم ده من اكتر الايام سوادا فى حياتى ، لازم يحصل فيه كارثه ..وممكن مصيبه بردو ميضرش بس هنقول ايه ..حكمة ربنا ، انا مش معترضه على اليوم بس مش غريبه يعنى لما اقعد خمسه وعشرين سنه كل لما يجى اليوم ده ياما حد يموت ياما انا يحصلى حاجه ، وممكن والله المكان اللى اروح فيه اليوم ده يتفجر...يمكن حكمة

*******

كان زمان المفروض انى الوحيدة ما بين اخواتى اللى يتعملها عيد ميلاد ، والمفروض ان العيد ميلاد ده بيبوظ على آخر لحظه ..مش بقولكم

*******

ممممم الذكريات بتاعت عيد ميلادى دى غريبه قوى ، افتكر اول هدية جاتلى فى عيد ميلادى كان وانا عمرى 11 سنة كان من ابن الجيران وكان دبدوب ،تعرفوا بدون تريقه انا مش فاكره الولد ده خالص كل اللى فاكراه انه كان جارى واسمه محمد المشكلة انى مش لاقيه الدبدوب ده!!

*******

ايام الدراسه بالذات فى فترة الدراسة الجامعيه المهلبيه كنت عامله كتيبه جنود للحمايه على حقوق المرأة من التوحد الفكرى والانبعاث اللا شعورى الذكورى ، وكانت الكتيبه فى اليوم المقدس - عيد ميلادى - بيهربوا فى اى حته ، أقصد كانوا بيجبولى هدايا تصوروا انا محبتش افرط فى اى حاجه من الذكريات دى

*******

فجأه من كام يوم لقيتنى بطلع كل الهدايا دى وبقلب فيها لقيت حاجات كتير قوى ، ازاى انا كنت راكنه الذكريات دى كلها فى درج ، قريت كلام يضحك ويبكى ..افتكرت

*******

ايام الكليه كنت عامله زى شيخ الحارة وانا طالعه المدرج كنت بلاقى ناس كتير تسلم وتتكلم لدرجة انى مكنتش بلاقى مكان ، بس بعد مخلصت اكتشفت انى مكنتش اعرف غير تلات بنات بس

*******

واحده من صحباتى بتشتغل حاليا مدرسه - دى اخر حاجه انا سمعتها عنها- اه متستغربوش بعدنا عن بعض جدا وده كان بالتدريج واظن معظمنا ممكن يكون مر بده او يمكن انا مش عارفه ، التانيه اتجوزت فى دمياط -بلد والدها- اما التالته بقى فبتشتغل فى الغردقه

*******

ذكرياتى عن عيد ميلادى قليله جدا ومش عارفه ليه مش بحس بقيمته زى مبشوف فى عيون الناس ، سامحونى ان البوست لتانى مرة على التوالى شخصي

*******

معلش مدونتى بقى وببرطع فيها شوية وعيد ميلادى كمان ..الله

زعلانه !!!

2008-08-10T13:50:00.000-07:00

زعلانه

منى؟!!

ايوة

طب استنى بس انتى مين

انا الاتنين

الله ، طب وانا مين بقى

انتى الواحد اللى فينا

طب قوليلى زعلانه ليه ومن ايه

زعلانه عشان ابتديتى تدخلى تانى القمقم ، ابتديتى تحاولى تانى تبعدى ، تقدرى تقوليلى انتى عايزة ايه دلوقت ،فى ناس كتير بتحبك وبتحترمك وانتى مش مقدراها ..بتحاولى تبعدى عنهم وتسيبهم وبس ال ايه خايفه منهم طب جربتيهم؟ عرفتيهم؟ ولا هو مجرد كلام فاضى حطاه فى دماغك وخلاص

الله الله .. استنى بس عليا بتعملى كده ليه ،انا مغلطتش ، انا بطبعى لوحدى بطبعى كده ، اة انا بهزر وبضحك ودمى خفيف ويبان انى اجتماعيه بس فى الاساس انا لوحدى

حتى لو انتى كده انتى اللى ساعيتى يكون ليكى حد وفعلا بقى ليكى وارتبطتى بيهم قوى وحبتيهم ، يبقى تزعليهم؟

لا طبعا انا عارفه انى غلطت ، بس كمان هما غلطوا فى حقى ، مفهمونيش لا ده كمان مفهمونيش صح

حتى لو كده مش تديهم فرصه يعرفوكى؟ مش انتى بتحبيهم وعايزة تبقى وسطهم؟

ايوة وربنا اعلم باللى فى قلبى نحيتهم

خلاص يبقى اتفاقنا يلا صالحيهم وقوليلهم انك بتحبيهم قوووووووووى وعايزة تبقى معاهم على طوللللللللللل

طيب مبلاش ننزل البوست ده ونزل بوست احمد ومنى وسناء

وبعدين؟ احنا قولنا ايه ..كمان انتى عارفه انى عايزة انزل بوست الصدمه

لا بس انا عايزة اكمل موضوع العنوسه

يا بنتى ونسيتى موضوع مثلث برمودا؟

مقولتيش كمان بالمرة ليه على الكومنت بتاع رئيس الوزرا عند على اسم مصر

شششششششششش..انتى هتتمحكى يلا اتفضلى قولى الكلمتين اللى عامله عليهم كل الكلام ده

اخوانى المواطنون ..احم احم..انا بجد بحبكم جدا واسفه لو كنت زعلت اى حد ..وياريت اللى يدخل يقول للى زعلتهم يجوا يسمعونى

كان محشور فى زورنا الكلام ده ...بنحبكم قوىىىىىى

خلصت الواجب

2008-07-30T14:23:00.000-07:00

مممممممممم

وماله ميضرش انا زمان كنت باخد واجب قليل يعنى ، اهو نحله ولون الناس زمنها زعلانه مننا ، بس بردو لازم نحيي الناس بتاعت الوجبات دى

المهم من غير رغى لانى مش فايقة للرغى خالص الايامدى وصلنى وجبات وحاجات كده عمرى مشوفتها ال ايه المفروض نحلها قولنا نحلها

الاول كان من البت نعكشه المنعكشه دى واجب من زووووووومان وبعتته تانى عاشقة الحب قولت لازم اكرمهم

ونحل ونقول ...

6 أسرار قد لا يكتشفها من يقابلك أول مرة ؟

قوانين الواجب:( حتى هنا فى قوانين ..حسبى الله ونعم الوكيل )

. أذكر اسم من طلب منك حل هذا الواجب؟

اختشى وحبيبتشى نعكوشه ، والجميله عاشقة الحب

أذكر القوانين المتعلقة بهذا الواجب؟

ده شغل نيابه بقى ...

تحدث عن ستة أسرار قد لا يكتشفها من يقابلك للمرة الأولى؟

ممممممممم ، تصدق ممكن انا نفسياتى معرفش

طيب نحاول

1- انا غيووووووووووووورة جدا جدا وده على كل شئ مش متعلقه بحد معين او مكانه معينه يعنى حتى على صديقاتى وامى واخواتى

2- بحب لعب الاطفال بشكل مجنون الارنوب وتويتى وسارة ودبدوب ، تقريبا مكتبى مليان لعب واللى يجيي جمبهم :@

3-انا عصبيه جدددددددددددا بحرق دمى بسرعه بشكل فظيع يعنى وبكشر وبضايق وبحتد وفى الاخر ..قلبى ابيض بنسى قوام

4- متسرعه ..وبحاول امسك نفسى لان ساعات التسرع ده بيودينى فى داهيه ..همتكم معايا

5-اللى اول مرة يشوفنى مش هيعرف انى عندى فضول لحاجات غريبه ومؤمنه قوى بمثل اليابانى الصينى اللى هو تبع الناس اللى عنيهم ديقه.. اللى بيقول ادينى صنارة يابنى اصطاد بدل متدينى السمكه ..وانا بقى فضوليله فى الصياده

6- مجنونه بمعنى الكلمه :D .. ومؤمنه جدا ان الجنون طريق للسعادة ، وبردو مؤمنه انه مش كل الحياة ولازم يكون هناك قطرة من العقل

حول هذا الواجب إلى ستة مدونين،وأذكر أسماءهم مع روابط مدوناتهم في موضوعك.

مممممممممم ، الطيب احسن اللى عايزو ياخدو

****************************

تاج بقى جالى من سمسم الحلو العبقرى ده وبصراحه التاج جذبنى جدا انى اعمله

أولاً:سبع حاجات نفسى اعملهم

1- نفسى اروح عمرة او حج انا وامى
2-نفسى احس انى وصلت اخواتى لبر الامان بالذات اخويا الصغيرخالص
3- نفسى انزل اول مجموعه قصصية ليا بقى
4- نفسى اسمى اولادى يوسف ومريم مش عشان موضه ولكن حبا فى الاسماء دى فعلا
5-نفسى قبل مسمى اولادى يرزقنى ربنا براجل يتقى الله فيا ويكون نعم الزوج ، مش زى بتوع اليومين دولن
6- نفسى اكمل الدراسات العليا بقى واخد الماجيستير والدكتوراه
7- نفسى اخد دراسات حره فى العزف على الجيتار انا بحب الالة دى فعلا

ثانياً:سبع حاجات ماعرفتش اعملهم

1- معرفتش اكمل فى كلية حقوق زى مكنت بتمنى
2- مش عارفه ومعرفتش اخس إلى الآن ( محدش يتريق :@)
3-مش عارفه اعمل العمليه بتاعت مناخيرى الى الآن ...:cry
4- معرفتش الى الآن ارفع الظلم عن اى مخلوق حتى انا لما اتعرضتله
5-معرفتش انمى كل هواياتى زى الكتابه لانى فعلا متعددة الهوايات
6-معرفتش احب بجد او اتحب بجد
7- معرفتش ومش عارفه اكون مضحكه :cry

ثالثاً:سبع حاجات باقولها دايماً

ههههههههههههههههههه ، لازمه يعنى ماشى

1- السلام عليكم
2-بصى بقى
3-اودو ( دلع اخويا الصغير )
4-حاضر يا ماما
5-سلامى
6-نضارتى فين ( الايامدى بس )
7- اللهم لا تؤاخذنا بما فعله السفهاء منا

رابعاً:سبع مشكلات فى حياتك ممكن تحلهم الفلوس

بصوا بقى هى مش مشكلات بس حاجات تحلها الفلوس ، لان الفلوس مبتحلش مشاكل
1- اطلع انا وماما الحج
2- اسافر وألف العالم ، انا بحب السفر جدا
3- اشترى كميات كتب رهيبه وكمان لوحات اصليه
4- اتعلم العزف على الجيتار واشتريلى جيتار ليا
5-اخس طبعا مالرجيم والحاجات دى بتحتاج فلوس ( وعزيمه وارادة )
6-اتعلم السواقه واجيب عربيه لانى نفسى بجد اتعلم السواقه
7- اعمل لكل اخ من اخواتى مشروع خاص بيه

خامساً:سبع أماكن بحبهم

1- شط البحر
2- بيتنا القديم قوىىىى
3- مكتبتى
4- سريرى
5- بيت الارانب حبايبى
6-المناطق الخضرا والواسعه
7-راس البر زمان

سادساً:سبع اشخاص بحبهم غير بابا وماما واخواتى

السؤال ده مينفعش اذكر فيه سبعه ، فيه ناس موجوده دلوقت وفى ناس مش موجوده وبردو ليهم مكانه
يبقى مينفعش صح ؟

سابعاً:سبع حاجات بحبهم قوى

1- الارانب
2-سندوتش ماجنوم مؤمن
3- الكمبيوتر
4- الكتاب بكل انواعه
5- الجيتار
6- فرشة الرسم وقلم الفحم
7- لعبى وعروساتى ودباديبى

ثامناً:سبع مدونات بتحب تقرالهم

1- بابا ابو خالد
2- عايزة اتجوز
3- جبهة التهييس الشعبيه
4- عم احمد سو العجوز
5- البشمهندس محمد داوود بلدياتى
6- مدونتى انا طبعا :P
7- نعكشه
وعلى فكرة فى كتير بس هما قالوا سبعه
انا بجد بحب اقرأ لكل اللى فى الليست وده عن اختيار يعنى

التاج بمرره

ليكوريكا
نعكشه
لشفقه هانم واحسان بيه
اهو ده عيبه
ومحمد داوود
اوتار نهر الحب
وكل الناس اللى تزورنا وتصلى على النبى

مفارقات فى حياتى

2008-07-25T05:28:00.000-07:00

ألو
ايوة انسه ....
لا يا فندم النمرة غلط
طب حضرتك مين
حضرتك نمرتك غلط في إيه تاني؟
طب انتي منين

......

وهكذا كان يوم حافل بالإدعاءات السخيفة والمحاولات المخزية من الحياة ، الحياة التي هي عند البعض رنه ..وتعارف..وممارسة أي نوع من الرزيلة المتوارية .

يوم دخل في حسابات أيام صَعُب علي أن أحياها أو حتى أحصيها ، ممل ..متكرر ..شديد الاعتراضات المبهمة الغبية ، تحدث تلك المفارقات في حياتي على المدى البعيد القريب ، يوم أو يومين – إذا ما كان مرور اليوم يعتبر زمناً!!!

المفارقة الأولي

نمت متأخرة – كعادتي- إلا أن طيف ما كان يداعب جفوني ، إنها رقة الأرق ..الذي يجعلك في حلم يقظى متثائب ، غفوت على نسمة صيف كنت افتقدها حتى أزعجني صوت يجاهر بالرحيل مبكرا ...واستسلمت

المفارقة الثانية

أن ياستهويك إحساس بحرارة أشعة الشمس الحارقة فتسير غير مبالي بحالك أو لسيول العرق التي غمرت جبهتك ، تخرج منديلا ..تمسح وجهك ، تسير في نشوة ، تشعر بدوار ..تسقط مغشيا عليك !!

هذا ..وقد يصنع مفارقة ثالثه عندما تركب البحر في محاوله لتعويض شيئا من الخيال حيناً ومن الرومانسية أيضا حتى وان كانت فردية ، هنا قد تعيش مع حلم يشتق جذوره من موج البحر وطيور النورس ، وتلك النظرة العاشقة التي تعيش معها في عالم وزمن وحياة ، قد تكون مستقبل أو ماضي بعيد ، هي الآن تجسدت بعد أن كانت حلما ، فقط لمدة قد تأخذ من الزمن الكثير وقد تحسب بعقارب ملتوية ، وتنتهي المفارقة دون أن اعرف لصاحب النظرة اسم أو التمس منه لقاء جديد
أنها مفارقات في حياتي ، تصنع اليأس تارة وسوء الحظ دائما..

منى واحمد ...ومحطة القطر ..1

2008-07-20T16:14:00.000-07:00

بحركه تدل على رومانسيتها ، وهى تلقى بطرف طرحتها فى زوم قريب لوجهها الرقيق وزمن قد يتجاوز الخمس دقائق لتخرج منى من سيارة التاكسي

السائق: متيلا يا ست إنتي هتاخدى اليوم كله تنزلى من التاكسى
منى : احم ...هى دى محطة مصر؟
سائق التاكسى متجهم : ايوة يا أبله ..الأجرة خمشاشر جنيه خلينا نمشى

منى : ليه يا اخويا ..احم ثانيه اطلع الفلوس

واحده معديه : خلي بالك يا بنتشى ..السرقه هنا كتير ..ربنا يسترك

السائق: متيلا يا ابله ..عايزين نمشى من الحته الزحمه دى

منى ونظرة رومانسيه دامعه فى عينها : حاضر يا استاذ اسطى ...بس اصلى مش لاقيه البوك

السائق ( ينفخ ) : يا فتاح يا عليم ...يا ابله دورى واستهدى بالله هى مش ناقصه

منى بنظرة حائره : اعمل ايه بس ...اتلخبطتش يا ربى
أحد المارة : لا حول ولا قوة الا بالله ...هما مش هيبطلوا بقى ..إتقوا الله ..البسوا الحجاب
منى ونظرة أمل ونجده : لقيتوا الحمد لله ..اتفضل يا اسطــ
ومع نهاية كلماتها ..وكلمح البصر ...ضاع البوك
منى : سرقوووووووونىىىىى .......حررررررررررررامىىىىىىى

*****************************

أحمد : يلا يا سناء ...انا مش عارف لزمتها ايه السفريه دى وانتى تعبانه كده
سناء وهى تجذب صقف مقعد السيارة : يا احمد اسكت والنبى ..عايزة اكون جمب امى وانا بولد ..اسكت بقى احسن المغص اشتغل
احمد ( يتصبب عرقا ) : مش قولتلك متكليش محشى ؟؟وطفاستك يعنى لازم تاكلى الحله كلها
سناء ونسيان المغص مع 111 عجيبه : هو انت عشان الست امك اللى عملت المحشى ..آه يانى ..هتزلنى بالصوباعيين التلاته اللى اكلتهم
السائق يتدخل : هما كل الستات كده يا بيه ...وأل ايه عايزة تولد عند امها ...وأدفع انت ..إسألنى انا مجرب
سناء وعينيها تشتعل شرار: وأنت ايش اخششك ....عجبك كده يا استاذ احمد
احمد وبدأت عليه علامات الغضب والخوف فى نفس الوقت : متسكت ياسطى ...( وبصوت ضعيف ) هاودنى مش هتخلص
السائق فى تراجع : على ايه يا بيه ...الطيب احسن
سناء مقاطعه : آآآآه الحقنى يا احمد...
احمد: ايه يا سناء مش وقته ...ده انتى لسه فى الخامس
سناء : خامس ايه يا راجل ...انا فى السابع ...الحقينى يامه
السائق ( محشورا بخوف ) : إلحق يا استاذ ...احسن تولد فى التاكسى
احمد : متخليك فى حالك بقى ...انا ناقصك انت التانى
سناء : آآآآآآآآآه ..........الحقيييييييييينى ياااااااااااااامه

*******************************

جلست منى امام دورات المياة فى المحطه ....تمسك بورقة كبيرة مكتوب عليها : ســرقونى ياماما ...محفظتــى البيـج الجلـد ...ساعدونـى..إهئ إهئ

أحدهم : معلش يا بنتى ...خدى الجنيه ده
منى : إهئ إهئ..ميغسي
إحداهن : يا عينى ...شوفتى يا نونه ..ودي يا ترى هتعرف تروّح
نونه: مش عارفه بقى ...واحنا مالنا ..شوفتى عادل عمل ايه امبارح معايا !!!
منى والدمع يتقطر من عينيها : حبيته سنين طوال ..إهئ إهئ ...واليه القلب مال ..عااااااااا..وحلمت يكون معايا ...لو مهما العمر طال
تؤ ياربى مش دى الغنوة ...هتعملى ايه دلوأت يا مون مون ..المشكلة الكبرى ان الريحه هنا ياي ..مش عارفه اقعد بس عمو الشيخ اللى قالى اقعد هنا
الشيخ ( فى سره ) : البت دى لو فضلت معايا كده نشحت هنكسب فلوس بالهبل
منى : عمو ...احنا كملنا حق التذكرة؟
الشحات : لسه يا بنتى الصبر ...ربنا يخلى المحسنين
منى فى سرها : لو كان احمد هنا مكنش سابنى فى الموكف ده ابدا ..إهئ إهئ ..أينعم هو سايبنى من خمس سنين وقالى متصلش بيه تانى بس انا عارفه انه شهم وحونين
شاب متأمر : متيجى يا موزة اشربك حاجه اسفره ..ونلعب بينج بونج سوا فى المول
منى : ميكش دحوة بيا ..انا مش هيود عليك ..يا سيم
نفس الشاب : حلاوتك يألدغ
منى : انا مش لادغه دى اللبانه ...يا استاذ
هوه هواه الشاب : يا عينى على ادبك ياابيض
منى بقرف : خلاص الناس بقت سفيقه اوى كده ...اوف
ست اتحشرت فى الحوار : شوف البت ...متتلمى يا بت وبطلى معاكسه فى ولاد الناس ..انا عارفاكو يا بتوع تربيه نوعيه يا رقصات
منى : يا تنت انا مش فى تربيه نوعيه ...انا محفظتى البيج الجلد اتسرقت
الست الحشريه : لا بقى تربيه نوعيه ...مانا ابنى كان عايز يتجوز واحده منهم بس انا فقساكم
منى : يا تنت ..حرام بقى عاوزة اروح ..إهئ إهئ ..وكمان انا مالى ومال ابن حضيتك
الشاب الرخم : ها يا موزة اخلصى ورايا غيرك
الست الحشريه : جتك ضاربه هو انت مش شايف غيرها ..البعيد اتعمى
منى : شنطتى ...هدومى ...عمو الشيخ سرقنى ...وسعى يا وليه من قدامى انتى والدهول ده ...انا جايه الفيلم ده اتسرق بس
الشاب الغبى : انتى رايحه فين
منى : يا شيخ اتلهى ...

*****************************
سناء : احمد ...عايزة ادخل الحمام
احمد : سناء ...أبوس ايدك ..عايزين نلحق القطر ...السواق مستحملناش وانتى لسه داخله الحمام اساسا ...وبطلى اكل بسكوت
سناء: اه يانى يامه ...سيبتينى للراجل ده ليه ...لو موت يبقى بذنبك ...مش مسمحاك
احمد : مدّى يا سناء بدل ودينى ..أموت نفسى واقول انك قتلتينى
سناء : وتقول ازاى وانت ميت فهمنى كده ...آه المغص
احمد : ام التمثيل
سناء : يعنى خلاص حفظتنى ...ماشى ..لما اروح لامى
احمد : هسيبك عند امك ...أقولك ، غورى وانتيــ...
سناء : خصيمك النبى يابو نسمه متقولها ..صلى على الحبيب واهدى
احمد : اللهم صلى عليك يا نبى ...مدّى طيب
سناء : حاضر يابو الغالى
احمد يشاور وقد تعذر عليه الشوف : اهى المحطه اهى...الحمد لله

كان حتت يوم !!

2008-07-17T15:20:00.000-07:00

المشكلة انى ركبت تاكسى ..والخطه اللى كنت انا وضعاها باظت خالص حتى الكساتا يا ربى حتى الجيلاتى (بتعطيش الجيم ) حتى التلاتينى والداير كل دول راحوا ..إهئ إهئ ..يلا موش مشكلة ، المهم انه كان يوم مممممم مش عارفه كل اللى اعرفه انى روّحت واقعه من الضحك مبسوطه قوى متجددة زى مبيقولوا ، حسيت ان عقلى اشتغل جامد قوى خالص ..مهو الواحد لما يكلم فى كذا موضوع مهمين ورا بعض ده شغل عالى قوى من اللى هو شبه القهوة البرازيلى ...آآآه نفسى فى شوية قهوة تمام حسه ان عقلى بيروح، بس على مين دنا كنت قاعده حتت قعده

احكيلكم من الاول ، اول مروحت شوفت ناس من بعيد كده كان باين يعنى انهم مدونين ولون يعنى معرفتهمش فكاكه بردو لا تؤتؤتؤتؤ كان فيهم واحده اعرفها ، ايه؟ لا طبعا مش هقول ...المهم عرفت الناس وقعدنا نتكلم شوية جه بعدها ابو خالد المدون الحلو ده وكله بيقوله بابا وبصراحه يستحق الكلمه، كان معاه مدونين القاهره آبى مدونتها كوكب آبى و رودى بنوته مصريه و داليا أس اتنين صاحبة مدونة قوس قزح واللى كانت فعلا متواجده فى بورسعيد و احمد سو و خالد همس الاحباب و احمد سكر..أما المدونين البورسعيديه فكان انا بلا فخر وداليا اهو ده عيبه واختها دعاء ربع ضارب والاستاذ طارق الغنام ومحمد كراكيب شيكو وطبعا الأب الجميل ابو خالد غير كده واحنا قاعدين فى امانة الله لقينا بنت سكره واختها جايين كده بتقولنا هو انتوا اللى تبع الاجتماع؟ قولنالها اه قالت انا صاحبة مدونة اوتار وبعلق بأسم نهر الحب فرحنا بيها قوى وطلع اسمها إيناس بجد محسيناش ابدا ان دى اول مره نشوف بعض

شيلنا العدّه ومشينا

واللى حصل بقى ان المكان كان مخنوق ومكناش مستريحيين ابدا فيه ، قولنا خلاص نقوم نقعد فى اى كافيه على البحر ، ولأن صدف وكان يوم عيد ميلاد المدون خالد همس الاحباب ( كل سنة وانت طيب تانى يا خالد ) فقولنا نقعد فى مكان منطلق كده ،وفعلا مشينا طوابير طوابير وكل واحد ماسك ودن التانى وهاتك يا رغى ، وانا انكجشت فى آبى ويا عينى نسيت اللاب توب بتاعها وجرررررررررريت عشان تجيبه مسطوله يا بنتشى ، بصراحه لما قعدنا كانت فعلا القعده تفرق كتير وطبعا ماما رودى وماما داليا اشتغلوا فى تقطيع التورته وتجهيز اطباق وحطينا الاطباق وقعدوا بردو يتكلموا ..يا جماعه كلوا ...مفيش ..يا بشمهندزين ...دودودودودو شغالين رغى ..اضطرينا بقى نأكلهم بالعافيه ونمسك كل واحد وواحده طبقه فى ايده ، بعدها اشتغلوا تصوير وربنا يسامحهم اللى صورونى ..عارفين لو شوفت صورة هقطعكم

سكوووت ...هنصور ونشيش كمان

البشمهندز احمد سووو عملنا حتت فيلم ، مش عارفه والله اوصفه ازاى ، بس بلاش اوصف احسن تكونوا بتقرفوا ( هاااا فاهمنى طبعا انت وآبى ) بس فعلا اثبت واظهر موهبته فى فن الاخراج المصرعى والمشكلة انه مصورنا واحنا بناكل يعنى مناخير ضاربه وبق مفتوح ( ياللهول ) ، المشكلة ان انا كنت قاعده جمب سو وسو طلع حريقة سجاير هو يشرب وانا اتسطل هو يشرب وانا اتسطل المشكلة الاكثر عمقا انه ابتدى يشرب شيشه وبردو هو يشرب وانا اتسطل لحد مقولتله خصيمك النبى يا شيخ لتبطل احسن انا خلاص عملت دماغ كورة ارضيه مش هتطلع ابدا المهم انه بعد السطلان ده كله طلع كولوريتس بتاعت ريحة البق دى وانا قولتله هات واخدت كبشه ولسه بحط واحده فى بقى حسيت انى هنفجر وتقريبا بردو فيها سطلان ، سو يا ساطلنا

كلام ...و كلام

اتكلمنا فى موضوعات كتيره جدا سواء فى عالم التدوين او خارجه ، إيناس نهر الحب او صاحبة مدونة اوتار بسم الله مشاء الله عليها متحدثه جيدة ولبقه مطلعه على حاجات كتير بتضحك وتهزر وتتكلم ولون انا اختلفت معاها فى اخر اللقاء على حاجه كده بس اظن انى اكتسبت صديقة جميله ، ورودى بنوته مصرية اكلمنا فى اكثر من موضوع يخص التدوين ليها عقل كده راجح ورغم خفة دمها اللى متوصفش حسيت انها رزينه ..ربنا يخليلك نور يارب ، والبت اللى اسمها آبى دى حتت سكرة على رأى ايناس تشوفى فيها البنت المصرية الجدعه اللى بجد موصفلكمش كمية الضحك والهزار اللى هزرناه ، داليا اهو ده عيبه صديكتشى وحبيبتشى ومعايا فى الازمات واختها بجد حبيتها كأنى اعرفها من زمان وكأنهم اخواتى ...وانا ناويه بأذن الله اروحلهم بعثه احسن انا اتخنقت بس شوية ، حسيت ان بابا ابو خالد هو اللى ماسك زمام الامور بجد حسيت ويمكن الجميع حس اننا قاعدين فى حما بابا ربنا يخليه لينا يارب ويحفظه ويكرمه ، داليا قوس قزح حسيت انها نسمه حتى صوتها كان واطى وهادى .. ولا يمكن عشان انا كنت نعكوشه وعماله ارغى واعلى صوتى؟ كانت فعلا قعدة جميلة قوى كأنك قاعد مع اسرتك ، خالد همس الاحباب واحمد سكر حسيت انهم هاديين كانوا بيكلموا معانا برزانه وعقل محصلش بجد ربنا يحميكم ، احمد سو بقى خبير السينما العربيه اكلم شوية عن افلام بعينها وهو بيرد على ايناس بردو فى فيلم بعينه ...والصغنون بقى محمد شيكو كان عامل زى فرقع لوز لا عارف يقعد ولا يقف ..ومعقد كمان وهو صغير كده وعمال يقول مش هجوز مش هجوز ، تصدق يا عم انا خايفه الاقيك جاى تقولى باركيلى ..بجد رغم ان كلامنا كان قليل بس حسيت انه حد عقله كبير

يلا سلام

للاسف الوقت مر بسرعه واهل القاهرة اضطروا يمشوا على الساعه 9 ونص وكنا نفسنا يقعدوا اكتر بس كان لسه قدامهم سفر ودعناهم وعلى امل زيارات تانيه زى موعدتنى آبى ، اما احنا بقى ففضلنا قاعدين والوقت فعلا سرقنا لانى بسأل شيكو هى الساعه كام قالى 11 ، بجد علما قمنا كانت حصلت 11 ونص مشينا احنا البنات وسيبنا بابا ابو خالد والاستاذ طارق الغنام ومحمد شيكو ووصلنا ايناس واختها ومشيت انا وداليا ودعاء ...وتهييسه من كولوريتس بتاع احمد سو ، يا سو يا جامد ..وللاسف خلص اليوم

بتمنى اننا نتقابل تانى بجد وزى مقولت على الاقل يكون كل اسبوعيين وخصوصا البنات ، بجد يوم ميتعوضش

لخبطيشن ...كُل واُشكُر

2008-07-13T14:50:00.000-07:00

فاصل بفلوس

وصلنى دعوة من الشخص الجميل قوى والاب الروحى للمدونين ابو خالد بما انى من ابناء الوطن العربى الديمقراطى البورسعيدى السمكى المتحد لحضور ضمّه خاصه بالبورسعيديه يوم الخميس فى مركز شباب الاستاد اللى عند البحر ده اللى هو وانت راكب التلاتينى تلاقيه على طول الشارع على ايدك الشمال ووانت راكب الداير تلاقيه على يدك الشمال بردو من غير شارع

ولما تعدى الشارع بقى تلاقى معصرة سلسبيلا وهناك تاكل احلى كساتا واحلى جيلاتى - بتعطيش الجيم -

المهم انى مش بعمل اعلان للشارع ولا للمعصرة انا بعمل اعلان للضمّه دى ...هنتقابل هوناك الساعه السابعه بتوقيت بورسعيد وانا قولت للبت عيلّه انى نفسى ومونى عينى انى اروح بسى لما نشوف نصيبنا وياريت يعنى من كل المدونين الافاضيل انهم يجوا لو يقدروا واللى مش هيقدر هنجيب له جيلاتى من عند سلسبيلا ....وطبعا المدونين البورسعيديه لازمن يحضروا مفيش كلام واهو اللى مش هيجى ...

العدل فى الشيشه ايه؟ ....

ايوة ، مهو انا بقيت اتأقلم على الحياة دى يا اوختشى معتش ينفع الوش المقلوب والاحمرار والاصفيرار اللى كنتى بتعمليه ، زومان لما كنت ادخل كافيه من اللى هما خمشاشر نجمه دول واشوف واحده مأنتخه كده وبتشيش كنت بتلون وبعمل فيها عنتر ابن مشداد والساعه بخمسه نيه

وبقرف واقعد اتناقش واتعصب لكن دلوقتشى مبقاش يفرق ، مانا ديك النهار ماشيه فى شارع طويل كده كان فى اخره قهوة بلدى من اللى شكلهم شبه اللى لامؤاخذه مخانات لقيت ايه بسم النبى حارسهم وصاينهم اتنين شتات مش ستات هاتك يا شد انفاس ورغى ولا كأنك قاعدين فى البيت قدام التلافزيون

تنحت .....اتهطلت ....اتعبطت ....بس كل ده اثر يعنى؟ واهى بقت كوسه ...مش عايزين مساواة ...روحى بقى اتنيلى انتى وهى ..ايوة يالى بتنادوا انتوا بالمساواة وحقوق المرأة ...وشوفى اللى بتقولى عليها مش عارفه تطلع بطاقه واخده حقها وبالدراع ..بصوا انا مبقولش كده لانى كارهه اللى الناس دى بتعمله تؤتؤتؤ ..انا بقول كده عشان لما ناديتوا بالكلام ده الرجاله فهموا ان الستات هتاخد حقوقهم والستات بقوا نوعين اللى فهمت الموضوع على انه لازم تخرج عن جلبيتها وتعمل اللى متعملش ...او انها فعلا مظلومه ...ياريت نرجع زى زمان لما كان الراجل يقف زنهار لما يشوف ست ...ولا لما كان يخطبها ويجوزها وهو مشفهاش ...اهو انا عايزة منك ...

هو اتنين فى تلاته بكام ؟!!!

فى البوست اللى فات سابلى الاخ الصديق محمد داوود تعليق جميل قوى فيما معناه ان لو كل واحده رضيت تخلى جزها يجوز عليها مش لعيب فيها ولكن للتضحيه من اجل وقف نزيف الدماء ...ايه الكلام ده لا اقصد من اجل الحد من مشكلة العنوسه ، وبردو كل واحده ضحت وهى بنت بنوت زى القمر ..او البقر ميفرقش واجوزت واحد مجوز عليها يبقى المشكلة كده انتهت

طيب ممكن نرجع للآية الكريمه اللى بتقول ...

بسم الله الرحمن الرحيم

{{ وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }}

دى الآية الكريمه اللى حللت للزوج الزواج بأكثر من واحده ..صح الكلام ؟ طيب انا بما انى انسانه بسيطه وغير مجتهده فى امور الدين او غير عالمه وطبعا ده عيب منى وانا بحاول انى اصلحه حد يشرحلى معنى الآيه وياريت كامله

ونيجى للجزء اللى انا فهماه وبنكلم فيه ، ربنا سبحانه وتعالى حلل الزواج للرجل بأكثر من واحده ليه؟

انا راجل مجوز وزوجتى مش بتخلف اعمل ايه؟

ربنا حللك هنا انك تتجوز غيرها برضاها

انا رجل شقى فى حياتى الزوجيه وزوجتى تعبانى جدا

ربنا حللك تتجوز برضاها وبما يرضيها من تعويض

بس فى شروط يا حضرات

ايه هى؟

انت تقدر تعدل ؟ مش بقول فلوس لالالالا تؤتؤتؤتؤ انا بقول فى كل حاجه يعنى فى يوم مزاجك عال كده وشوفت حتت عبايه مقولكش قولت اجبها لمراتى حبيبتى التانيه طيب والاولى؟ بس فلوسى خلصت ، اصلى مش رايحلها ، وهى هتعرف منين

لا يا اخينا انت كده مش بتعدل وكده عليك وزر والله اعلم طبعا

العدل فى الحب والحنيه والاحساس وحب الاولاد والساعه والدقيقه اللى بتقضيها مع فلانه...وهو ده العدل

تانى حاجه بقى الإعاله ...هتقدر تعول اولاد الاتنين وتصرف عليهم اكل وشرب ولبس وخروج وفسح ومدارس ودروس خصوصيه وتقضية فرض الله الحج ؟ لو تقدر تعالى اجوزنى يا عم بجد لو فيك الشروط دى

اة واول شرط رضى الزوجه الاولى وتعوضها

وبالمناسبه عندنا هنا فى مصر فى البدو خصوصا بيعملوا ايه بيعملوا حاجه اسمها تراضى

يعنى ايه؟ يعنى بيراضوا الزوجه الاولى بمبلغ يحكم بيه رجل كبير ذو عقل فى قبيلتهم ...وهو ده المقصود

ومعلش دى نبذة بسيطه عن الموضوع وهكمله فى لقاء اخر قريبا بأذن الله

عشان النوم جالى ومش شايفه ولا حرف

اتمسوا بالخير واستغطوا كويس ...واقفل التكييف يابنى هتاخدوا برد

عنوسه ننوسه >>بت للبيع

2008-07-06T03:24:00.000-07:00

بيكييييييييييييييا.....رووووووبابيييييييييكيا......حــــدش عايــز بـــت قديمممممممممه للبييييييييييييع

ده....هيكون شعار موكع الجـــواز اللى هفتحه قريب ده هيكون شعار موكع الجواز اللى هفتحه قريب طبعا ده بعد مشورة ستات وبنات الحته المعونسين

مستغربين ليه ؟ ايوة بقول الكلمه وش كده وبلاش شغل البط والوز والنعااااااااام وانا موش هستنى لما وزير التومين يوزع مع الزيت والسكر كيسين عوانس ، لا لازم اوضع حد لده

وفى ظل قعدتى التفكيريه قدام المسلسل العربى الجديد ، قولت اعمل الموكع ونكسب وبالمرة اجوز البنات وزيتنا يبقى فى عيشنا واهو العيش فيه ازمه -مفيش حاجه مفهاش ازمه فى البلدتشى- وبعد مقريت اخر احصائيه اتخضتشيت الصوراحه احنا بقينا اكتر من المكروباظات وانا اللى كنت فاكره لسه فيه امل اتارى حنان راحت من زومان - بايخه دى -

نرجع لموضوعنا ، العبكريه فى فكرة الموكع وبما انى مفتريه زى مانتوا عارفين فعليه قررت يكون اول "مان " يزجل فى الموكع هحجزة ليا - مانا تبع الفريق - بعد كده بنود الموكع تنس على ان اول مالراجل من دول يسجل يبقى كده ضمنا الجوازة وقفشناه من الزعطلون - عجبته بقى معجبتوش ادينا بنصرف - وبكده فقد قامت المدلله والخاطبه الالكترونيه خالتك مفتريه هانم طعميه بتتتتتتتتتتتزويج بناااااااااات حاااااااارتنا وزغروووووووووودة حلوةةةةةةةةةةةة

عيلّه: ايه اللى بتعمليه ده ؟؟؟!!!!

مفتريه: اهو من زهقتنا يا اوختشى

عيلّه:انتى هتنزّلى الكلام الفارغ ده فى البلوج ؟!!!

مفتريه: يا بنتشى مهى مشكلة كوميه فى الوتن العربى كووووولوه

عيلّه: إذن ........قشطه

مفتريه : كريم جانتيه عليكى قومى بقى هاتى كوبايتين قهوة نمزمز فيهم عشان اكتب بمزاج

ونبتدى منين الحكايه....

2008-06-26T13:47:00.000-07:00

عيلّه: انتى ليه متناقضه؟

مفتريه: يعنى انتى مش عارفه ليه؟

عيلّه: يا فوفه ازاى فيكى الطيب والمفترى ، ازاى فيكى الهاديه والنعكوشه ، ازاى حسه انك اتظلمتى كتير وفى نفس الوقت بتحاولى تظهرى انى كنتى قوية ومفتريه !!

مفتريه : وهو ده بس اللى لاحظتيه؟

عيلّه : لاحظت ...بس مستنياكى تقوليلى ، مستنياكى تعرفينى ازاى بتكونى كده بالتناقض ده

مفتريه : بصى يا لوله ، انتى عارفه اللى مرينا بيه ، فاكرة اول مخرجتى من الثانويه العامه ، فاكرة لما كنتى متعرفيش غير المذاكرة وماما بس ، فاكرة طيب لما اتغربتى لوحدك بشكل بنت ساذجه متعرفش حاجه فى الدنيا بطيبه غير عاديه بعبط يعنى

عيلّه: اة يا فوفه ...عارفه انى مريت بمراحله مكثفه غيرت شخصيتى بسرعه وفى حاجات كتير جدا ، بس تعرفى ساعات بفكر فى موضوع دراستى بره بلدى بشخصيتى دى اللى صادفت زيها معايا فى الدراسة وللاسف البنات دى مشت ورا حاجات كانت محرومه منها ومبهوره بيها وودتها لطريق دمار

مفتريه : عارفه يا لولو انتى محصلكيش زيهم ليه؟ لان انتى فى الاول كان اصل تربيتك وزرعتها طيبه ، كمان لان شخصيتك قوية بسرعه واعتمدت على تربيتك فى التفريق بين الصح والغلط ، تجربة غربتك علمتك القوه والمسئوليه والحكم على الامور دى بالذات بشكل ناضج

عيلّه : لكن بردو مكنتش بالقوة اللى اقدر اختار يا فوفه ، واختار ايه مستقبلى لأن ببساطه وزى كل مرة اتحكموا فى انى اغير مصار حياتى واضيع سنة من عمرى بدافع الخوف عليا وانى مكنش بنت مغتربه

مفتريه : وعارفه انك قبلتى او بمعنى اصح فرض عليكى بس يا عيلّه ده مقللش من ثقتك بنفسك بالعكس شخصيتك فى فتره قليله تبلورت وبقت ناضجه وفرقتى كتير عن بنات فى سنك

عيلّه:عارفه ..بس بردو لسة سؤالي ..اية اللى خلى جواكى كل المتناقضات دى؟

مفتريه: لان انا مريت بكل ده وبالى اكتر منه ، لانى مشتغلتش بالبكالريوس وجريت ورا مهنه حبتها ورغم انها مهنة المتاعب فكانت بالنسبالى حلم ...بس حلم متوقف

عيلّه : انتى اللى اخترتى ..

مفتريه:ههههههههه ...هتكذبى على نفسك؟ الاختيار عمره مكان ليا ...طب اسأليهم كده؟امتى كان الاختيار ليا وبالخصوص معلش فى بلدنا دى كان بين ايدينا؟

عيلّه: قصدك اية يا فوفه؟ انتى خلاص هتبقى انتحاريه ولا حاجه؟

مفتريه : قصدى ان بلدنا دى زى الغابه فيها الاسد - ملك الغابه- ودول هنا صنفين ياما فلوس او كرباج ، والرعيه بردو نوعين ياما ارانب اللى بتتاكل وتتعمل على ملوخيه ولو حتى جوه جحورها بتتاكل بردو والتعالب اللى بيمشوا بين السطور بين زقاق وزقاق ..اللى جواهم عايش ملاك لكن الافترا واجب ، صدقينى بقى واجب قومى

عيلّه : فوفه ، مكنتش اعرف انك حكيمه وعقلك نيور كده ، بس عكننتى على الناس واحنا هنا علشان نضحكهم

مفتريه : معلش مهى الدنيا كده يوم كده ويوم كده ، بقولك ايه تعالى نرمى- ماء تواليت- على غسيل ام احمد احسن امبارح ضربت الواد يوسف وانا بحب الواد ده قوى ومتغاظه منها

عيلّه : يلا بينا

كارابانتت!!

2008-06-22T12:52:00.000-07:00

تحديث

انا صحيح نسيت اعرفكم بيا ، انا عيلّه الازدواج الثانى والانفصامى والطيب الهادى الرزين لفوفه (مفتريه ) ، هى سيبالى البلوج امانه
يعنى انا وفوفه واحد بس اتنين ، شخصيتين فى آن واحد (برت بلس )

جئتُ ..لا اعلمُ من أين ااااااااا...ولكنيِ أتايتُ وووووووو....

*********

آآآه يا فوفه ..زمانك دلوقتى بتبلبطى فى الميه ...بتبلبط؟!!!...دى الساعه اتناشر بليل يا عيلّه ..انتى خلاص عقلك ذهب من ساعة ممفترية راحت تصيف وسابتك

وسابتلك البلوج امانه فى رقابتك

مفتريه : بت انتى ..البلوك ده تنضفيه وتمسحيه وتكتبى فيه ...وتكلمى الزباين ..والبقشيش بالنص

عيلّه : بلوك اية بس ...ده فى الاميل يا فوفه

مفتريه : انتى هتعلمينى اتكلم ازاى ...اسمعى الكلام من الاخر وبطلى لك ..ده انتى لوكلوك خالص

عيلّه: حاضر يا فوفه ..بس ايه زباين دى ..هى كافى شوب ؟!!

مفتريه : بت انا راحه اصيف يومين فى كوم الطين ...هريح اعصابى من دوشتك ..ال كافى شوب ال ..هقلبها والله قهوة بلدى

عيلّه: خلاص يا فوفه متزعليش نفسك ..وايه كوم التين دى ؟

مفتريه : كوم الططططططططططططين ....ده مركز كارابانتت

عيلّه: مين يا فوفه ...كرابنتيت ده ؟!!

مفتريه : كرابنتيت ...اما صحيح جاهله ومتخلفه ...كارابانتت ..دى نقابه جديده هنفتحها للمفتريين سابقاً ..احنا تراث يا ماما ولازم يحافظوا عليه ..أمال انتى فاكره ايه

عيلّه: ....ومسمتوهاش نقابة ليه؟

مفتريه: لو فضلت ارغى معاكى يا بنتى مش هلحق الصيف اساسا وهروح هناك فى الشتا ...يلا سى يو ...وتيك كير على البلوك

جئتُ وووووو...لااااااا أعلمُ وووووو...من آآآآآآآآآين اااااااا...ولكنىِ ...أتيتُ وووووو

*********

فوفه يا فوفه وحشانى

ده كان اخر كلام قالته قبل متركب التوك توك بتاعها وتروح الكرابنتيت ..ياناس خايفه عليها شكلها راحه تبيع البلوك ..يييييييي البلوج

اصل انا سمعت اشاعات ان هيبقى فيه مخبرين على البلوجات ..بس دول كده وكده مش متخفيين يعنى

وال ايه بيناقشوا الحاجات دى فى المجلس

فوفه ارجعى بقى انا مشطبالك على الزباين كلهم اهو ...حتى اسأليهم

مش كدا يا اخونا ؟!!!

ملحوسه

بحب البت دى موووووز

الاول ...!!

2008-06-18T13:22:00.000-07:00

انا :فاكرة يا بت يا مفتريه يوم مضربتى الواد احمد فى سنة خامسه اول ، لما كان بيعاكس البنات صحابك وانتى لأ

نفسى : يابنتى هو ده موقف ، طب استنى انا هفكرك بحتت موقف مش عارفه انتى فكراه ولأ بس كل لما افتكره اضحك من قلبى

ياربى على الافترا اللى كنت انا فيه

انا : ممممممم ...موقف ايه ده يابنتى ، موقف بنضحك عليه !!

نفسى : ايوة يا بنتى ..، طيب انا هحكى

انا : قولى ..

نفسى : كنت دايما احب امشى من شارع المدرسه اللى كله بيوت قديمه وحوليها جناين المكان ده كان مكانى المفضل رايحه من المدرسة وجايه من المدرسه ، وقتها كنت لسه طازة فى فريق الكراتيه فى النادى وعماله بقى اتشجع واضّرب على الحركات اللى علمهالى المستر ، وماشيه اقول فى عقل بالى صيحات بقى - هاااااع- والنبى مكان فى غيرها الصيحه دى ، المهم ياختى وانا ماشيه وعقل بالى شغال فى الحاجات دى الا واسمعلك صفاره وكلام شبه كلام المعكسات ده ، ابص حواليا الاقى تلات شباب من اللى مصدقوا شعر شنبهم ينبت وعاملين فيها رجاله وجايين الا ايه ..بيعاكسونى

انا : افتكرت يا بت مش ده اللى كســ

نفسى : اهمدى ياختى انا اللى بحكى

انا : طيب كملى ..

نفسى : وبعدين يا اخونا واحد وخدته الشجاعه وال ايه بيمد ايده عليا وبيعاكس بكل جرائه ،انا طبعا مستنتش للصدمه تاخد وقتها ، وبعيدا عن قاذف السباب اللى خرج من شفايفى الصغنونه (حلوة دى ) مطولطش غير ايده وبحركه بهلوانيه اتعلمتها من مستر الكراتيه بتاعى مع تنفيذ سليم ليها ..سمعت طقه - تييييك..تيييك- ودى كانت نهاية دراع الشاب الامور ده فى ايدى

انا : هههههههههههههههههههه ، الله يخربيت عقلك فكرتينى بحتت موقف كملى كملى هههههههههههههههههههههه

نفسى: طبعا انا سمعت التكه قومت رميت حتت العضمه - قصدى دراع الواد - من ايدى واللى نزل عليا اضحك انا والشباب اللى كانو واقفين يضحكوا عليه ويقولولى امشى يا بنتى هيجى يضربك ، وانا اضحك واقولهم ميقدرش ، واضطريت آسفه اسيبه يعيط على جمب - صُعب عليا -

انا : آه يا مفتريه ، بعد ده كله صعب عليكى؟

نفسى : علشان يعرف ان المعاكسه مضره بالصحه

انا : فاكره يا بت العلقه اللى اديتها للوله احمد بتاع خمسه اول

نفسى : ييييييييييييييييييييي، اسكتى بقى

إشمعنى انا ؟!!

2008-06-17T08:22:00.000-07:00

جوايا كبت ...مانا لازم اخرج حاجات كتير على فكرة انا هنا علشان ابقى صريحه مش علشان امثل دور ملاك
انا مكبوته وعايزة اتكلم وحاولت كتير ومنفعتش قولت اعمل المدونة دى اعترض فيها مدام انا مش عارفه اعترض حتى فى حياتى كلها
ومش عارفه اعترض على حاجات كتير ...حتى لو كانت حاجات تخصنى ..وعلشان كده اسم المدونة جمله اعتراضيه ...اسمها ....اشمعنى انا ؟

انا: طب ليه اشمعنى انا؟

نفسى : علشان انا مريت باللى يخلينى اقول كده

انا: طب مانتى كده بتعترضى على قدرك ونصيبك واللى ربنا كتبهولك

نفسى : لا ...، انا بعترض على الظروف والامكانيات والاشخاص اللى بيجوا فى مواقف بتخلينى اعمل استوب واقول اشمعنى انا

انا : يا بنتى مهى هياها ده قدرك ونصيبك لازم ترضى بيه

نفسى : وليه محاولش اغيره ربنا ادالنا حيرة الاختيار ، وادانى عقلى اللى رافض وحاول كتير يصد كل ده

انا : طب هتتكلمى يعنى ؟

نفسى : مممممممممم ، انتى رأيك ايه؟

انا: مش بتقولى على نفسك عيله مفتريه سابقا ، طب اتفضلى بقى ورينا كنتى مفتريه ازاى

نفسى : حاضر اكيد هقول وهقول اكتر من كده يمكن احكى كمان على اللى هيقروا كلامى ده ..بس الصبر

انا : الصبر